“15 jyl boıy 30-ǵa jýyq máıitti jasyryn saqtaǵan” — Sumdyq jaǵdaıdyń qupııasy ashyldy

AQSh-tyń Kolorado shtatyndaǵy Pýeblo qalasynda qoǵamdy dúr silkindirgen oqıǵa oryn aldy. Quzyrly organdar Davis Mortuary jerleý bıýrosynan uzaq jyldar boıy saqtalyp kelgen 30-ǵa jýyq máıitti anyqtady, dep jazady qandastar.kz

Bul mekeme aýdandyq koroner Braıan Kotterdiń menshigi ekeni belgili boldy. Tekserý barysynda máıitterdiń jasyryn bólmede, kartonnan jasalǵan sórege uqsas esiktiń ar jaǵynda saqtalǵany belgili boldy. Keıbir deneler kremaııany 15 jylǵa deıin kútken. Al marqumdardyń jaqyndaryna bıýro ıesi qoldan jasalǵan, jalǵan kúl salynǵan ýrnalardy tapsyrǵan.

Alash.kz jazǵandaı,  oqıǵadan keıin jerleý úıiniń lıenzııasynyń kúshi joıyldy. Jergilikti bılik bul jaǵdaıdy “zańnyń óreskel buzylýy” ári “otbasylar senimin aıaq asty etý” dep baǵalady. Degenmen Braıan Kotter áli qamaýǵa alynǵan joq, tergeý jalǵasýda.

Davis Mortuary resmı saıtynda mekemeniń 1989 jyldan beri jumys isteıtini, al onyń basshylary ózin “jerleý isindegi dástúrli mektep ókilderi” retinde tanystyrǵany jazylǵan.

Associated Press málimetinshe, jaqyn ýaqytqa deıin Kolorado shtatynda jerleý salasy eń az qadaǵalanatyn salalardyń biri bolyp kelgen. Tekserýler shaǵym túsken jaǵdaıda ǵana júrgizilip, qyzmetkerlerdiń arnaıy bilimi men lıenzııasy talap etilmegen.

Tek 2023 jyly ózge bir jerleý bıýrosynan 200-ge jýyq máıit tabylǵannan keıin zań qataıtyldy. Sol mekeme ıesi máıit bólikterin satqany jáne qoldan jasalǵan ýrnalardy tapsyrǵany úshin sottalǵan. Qazir jańa talaptarǵa sáıkes, jerleý úıleriniń dırektorlary men qyzmetkerleri arnaıy oqý baǵdarlamasynan ótip, lıenzııa alyp, jeke derekteri boıynsha tekserýden ótýge mindetti.