16 mln qazaqstandyqtyń jeke deregi taraǵan: mınıstr otstavkaǵa kete me

ıfrlyq damý, ınnovaııalar jáne aeroǵarysh ónerkásibi mınıstri Jaslan Mádıev 16 mıllıon qazaqstandyqtyń jeke derekteriniń tarap ketýine qatysty pikir bildirdi, dep habarlaıdy qandastar.kz Ulysmedia.kz-ke silteme jasap.

MINISTR NE DEIDI

Mádıev tarap ketken jańa derekter emes ekenin aıtady. Onyń sózinshe, qazir taldaý júrgizilip jatyr. Sarapshylar jumys istep jatyr.

— Memlekettik derekter bazasy buzylǵan joq. Bul – buryn tarap ketken tarıhı derekter bolýy múmkin. Qazir olar darknette qoljetimdi. Keıbir Telegram-arnalarda jarııalanǵan sátte biz olardy buǵattap otyramyz. Bul derekterde azdaǵan jańartýlar bolǵan. Atalǵan málimetter 2024 jyldyń 1 mamyryna deıingi kezeńge jatady. Jańa aýqymdy derekter taraǵan joq. Arasynda aty-jóni, JSN, telefon nómiri sııaqty derekter jarııa bolyp ketetin jaǵdaılar kezdesip turady. Mundaı derekter ashyq qoljetimdi bolǵan kezde biz dereý shara qoldanamyz, deıdi mınıstr.

Ulysmedıa tilshisiniń “derekter sizdiń kezińizde tarap ketpedi me?” degen naqtylaý suraǵyna mınıstr “joq” dep jaýap berdi.

MINISTR BUL JAITTAN KEIIN OTSTAVKAǴA KETÝI MÚMKIN BE

Sonymen qatar, Ulysmedıa tilshisi mınıstrden “bul jaǵdaı otstavkaǵa ketýine sebep bolmaı ma?” dep surady.

— Bul – derek jaı ǵana taralǵan jaǵdaı, derekterdi buzyp alý da, hakerlik shabýyl da emes. Bul — bir kezderi tarap ketken derekter bazasy. Keıin belgili bir tulǵalar sol málimetterdi jınaqtap otyrǵan, deıdi Mádıev.

KONTEKST

16 maýsymda Telegram-arna SexuriXy.kz qazaqstandyqtardyń jeke derekteri taǵy da jappaı taraǵany týraly habarlady. Arhıvtik faılda azamattardyń aty-jóni, jynysy, týǵan kúni, JSN, baılanys nómirleri (uıaly, jumys, úı), azamattyǵy, ulty jáne mekenjaıy qamtylǵan.