جاڭالىقتار
16 جاسقا دەيىنگى بالالاردىڭ YouTube-تا تىكەلەي ەفير جۇرگىزۋىنە تىيىم سالىنادى
فوتو: freepik.com
YouTube تىكەلەي ەفير جۇرگىزۋ ەرەجەلەرىن جاڭارتتى. ەندى 16 جاسقا دەيىنگى بالالار ەرەسەك ادامسىز جەكە ەفير جۇرگىزە المايدى. بۇل تۋرالى Qandastar.kz اقپارات اگەنتتىگى حابارلايدى.
YouTube ۆيدەوحوستينگى 22 شىلدەدەن باستاپ تىكەلەي ەفير جۇرگىزۋ ءۇشىن ەڭ تومەنگى جاس مولشەرىن 16 جاسقا دەيىن كوتەرەدى. جاس شەكتەۋىنەن كىشى جاستاعى قولدانۋشىلار تەك ەرەسەك ادامنىڭ قاسىندا ەفير جۇرگىزە الادى.
«ەرەسەك ادام تىكەلەي ەفيردە انىق كورىنىپ, سىزدەرمەن قاتار ەفيرگە قاتىسۋى ءتيىس», – دەلىنگەن YouTube حابارلاماسىندا.
جاڭا ەرەجەنى بۇزعان جاسوسپىرىمدەردىڭ تىكەلەي ەفير جۇرگىزۋ مەن تىكەلەي چاتتا قاتىسۋ قۇقىعى شەكتەلەدى. YouTube بۇزۋشىلىقتارى بار ەفيرلەردى ءوشىرىپ وتىراتىنىن مالىمدەدى.
«شەكتەۋلەرى بار اككاۋنتتار باسقا ارنادا تىكەلەي ەفير جۇرگىزە المايدى. مۇنى جاساۋعا تىرىسقانداردىڭ ااككاۋنتتارى ءوشىرىلۋى مۇمكىن», – دەلىنگەن ەسكەرتۋدە.
