«16 jastaǵy qyzdy 1000 erkek zorlady»: Nálibaev Qyzylordada tazalaý jumystaryn bastady

Foto: Qyzylorda oblysy ákimdigi

Búgin, 16 tamyzda Qyzylorda oblysynyń ákimi Nurlybek Nálibaev jınalys ótkizip, kámeletke tolmaǵan qyzdy jezókshelikpen aınalysýǵa májbúrleý faktisine ýaqytynda kedergi keltirmegen ýákiletti tulǵalarǵa qatań sharalar qabyldaýdy qaramaǵyndaǵylardan talap etti, dep habarlaıdy Qandastar.kz

Oblys ákimi atap ótkendeı, birneshe kúnnen beri áleýmettik jeliler men buqaralyq aqparat quraldarynda kámeletke tolmaǵan qyzdy jezókshelikpen aınalysýǵa májbúrlegen Qyzylordadaǵy mektep túlekteriniń áreketi talqylanýda.

Aımaq basshysy bul atyshýly qylmystan jarty jylǵa jýyq ýaqyttan beri polıııa departamentiniń uıymdasqan qylmyspen kúres basqarmasy men qyzǵa sabaq beretin muǵalimder beıhabar bolǵanyn qatań synǵa aldy.

– Áleýmettik jelilerde ýchaskelik polıııa ınspektory men mekteptiń ıývenaldy polıııa qyzmetkeri máseleden habardar bolǵandyǵy jóninde aqparat tarady. Negizgi salǵyrttyq osy qyzmetkerlerden bastalǵan. О́zderine bekitilgen aýmaqtaǵy ahýaldy aldyn- ala zerdelep, ár turǵyndy baqylaýy tıis edi. Biraq, ondaı jumys múlde júrgizilmegen. Bilim salasynyń mamandary da qyzmetterine nemquraıly qaraǵan. Mektep basshylyǵy, pedagogter, mektep ınspektory, óz mindetterińizdi oryndamaǵansyzdar! Mektep psıhologi, synyp jetekshileri, áleýmettik pedagog, mektep dırektorynyń tárbıe isi jónindegi orynbasary jáne dırektor zań aıasynda qandaı da bir naqty qadamǵa barmaǵan, – dedi N.Nálibaev.

Oblys ákimi oqýshynyń sabaqtan jıi qalatynyna tıisti mamandardyń nazar aýdarmaǵanyn, ata-anasymen tıisti deńgeıde profılaktıkalyq jumys júrgizbegenin, tek máseleni jasyryp-jabýǵa tyrysqandaryn aıtty.

– Búginnen bastap №7 mektep – lıeı dırektory, tárbıe isi jónindegi orynbasary, psıhologi, áleýmettik pedagogi, synyp jetekshileri jumystan bosatylsyn. Qyzylorda qalasy ákiminiń osy salaǵa jaýapty orynbasaryna, qalalyq bilim bóliminiń basshysyna qatań sógis, bólimniń tárbıe jónindegi jaýapty mamanyna jumystan bosatý sharasy qoldanylsyn. Bilim basqarmasynyń basshysyna óz mindetterin tıisti deńgeıde oryndamaǵany úshin qyzmetine tolyq sáıkes emestigi týraly eskertý beremin. О́zine júktelgen mindetti tıisti deńgeıde oryndamaǵan mektep ınspektory men ýchaskelik polıııa ınspektory, ony baqylamaǵan kámeletke tolmaǵandar isi jónindegi ıývenaldy polıııa bólimshesi, qalalyq polıııa basqarmasy men oblystyq jergilikti polıııa qyzmeti uıymdasqan qylmysqa qarsy kúres basqarmasy tikeleı kináli. Osy oraıda, jaýapty mamandardyń jaýapkershiligin qarap, qyzmetinen bosatýǵa deıingi kadrlyq sheshimder qabyldansyn. Qabyldanǵan sheshimder týraly jumys aıaǵyna deıin baıandańyz, – dedi N.Nálibaev.

Bala quqyqtaryn qorǵaý jónindegi oblystyq ýákil Jaqsygúl Toǵanovaǵa oblystyń bilim berý uıymdaryndaǵy jumystarǵa taldaý júrgizip, dereý jumys tobyn qurý tapsyryldy. Bul rette aldyn alý sharalaryn qoldanyp, qolaısyz otbasylardy jáne táýlikke jalǵa beriletin páterlerdi aralaý qajet ekeni aıtyldy.

Aımaq basshysy oqıǵadan zardap shekken otbasyna jan-jaqty kómek kórsetýdi, tergeýdiń barynsha obektıvti júrgizilýin talap etti.

– Qozǵalǵan qylmystyq is boıynsha tergep-tekserý amaldarynyń obektıvti júrgizilýi mindetteledi. Qylmysqa qatysy bar adamnyń barlyǵy zań aıasynda tıisti jaýapkershilikke tartylatyn bolsyn! Bul máseleni tikeleı baqylaýymda ustaımyn, – dep túıindedi Nurlybek Nálibaev.