جاڭالىقتار
16 جاستاعى ءجاسوسپىرىم مەرت بولعان تالعار قالاسىن ۇلتتىق گۆاردياشىلار كۇزەتەدى
فوتو: ءىىم
قوعامدىق ءتارتىپتى ساقتاۋ ءۇشىن تالعارعا ءىىم ۇلتتىق ۇلان اسكەري ءبولىمىنىڭ جەكە قۇرامى جەتكىزىلدى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
13 قازاندا ءىىم ۇلتتىق ۇلاننىڭ ءباسپاسوز قىزمەتى تالعار باقىلاۋ ەكەنىن حابارلادى.
«قازىرگى ۋاقىتتا الماتى وبلىسىنىڭ تالعار قالاسىندا ىشكى ىستەر مينيسترلىگى ۇلتتىق ۇلان اسكەري ءبولىمىنىڭ جەكە قۇرامى قوعامدىق ءتارتىپتى قورعاۋ ءۇشىن پاترۋلدىك قىزمەتتى اتقارۋعا تارتىلدى قاۋىپسىزدىكتى قامتاماسىز ەتۋ جانە قوعامدىق ءتارتىپتى ساقتاۋ ماقساتىندا ازاماتتاردى جۇرگىزىلىپ جاتقان ءىس-شارالارعا تۇسىنىستىكپەن قاراۋدى سۇرايمىز», – دەلىنگەن حابارلامادا.
ەسكە سالايىق, بۇعان دەيىن تالعاردا جاپپاي توبەلەس بولىپ, سالدارىنان 16 جاستاعى ءجاسوسپىرىم كوز جۇمعان ەدى. كەيىننەن جاعدايدىڭ ءمان-جايى انىقتالدى. جانجال ءجاسوسپىرىمنىڭ وتباسى جۇمىس ىستەيتىن دۇكەندە باستالعان. تۋىستارىنىڭ ايتۋىنشا, ساۋدا نۇكتەسىنە كەلگەن ساتىپ الۋشى سىرا الىپ, اقشاسىن تولەۋدەن باس تارتقان. وسىدان كەيىن توبەلەس باستالعان. پروكۋراتۋرا جەتى كۇدىكتى قاماۋعا الىنعانىن حابارلادى.
12 قازاندا الماتى وبلىسى, تالعار قالاسىندا ءبىر توپ بۇزاقىنىڭ قولىنان قازا تاپقان 16 جاستاعى ءجاسوسپىرىمنىڭ ۇيى سەنبىگە قاراعان ءتۇنى ورتەنىپ كەتكەنى حابارلانعان ەدى. ىشكى ىستەر ءمينيسترىنىڭ ورىنباسارى تالعارداعى شەرزات بولاتتىڭ ورتەنگەن ۇيىنە باردى.
