16 jastaǵy jasóspirim mert bolǵan Talǵar qalasyn Ulttyq gvardııashylar kúzetedi

Foto: IIM

Qoǵamdyq tártipti saqtaý úshin Talǵarǵa IIM ulttyq ulan áskerı bóliminiń jeke quramy jetkizildi. Bul týraly  qandastar.kz Stan.kz aqparat agenttigine silteme jasap habarlaıdy.

13 qazanda IIM ulttyq ulannyń baspasóz qyzmeti Talǵar baqylaý ekenin habarlady.

«Qazirgi ýaqytta Almaty oblysynyń Talǵar qalasynda ishki ister mınıstrligi ulttyq ulan áskerı bóliminiń jeke quramy qoǵamdyq tártipti qorǵaý úshin patrýldik qyzmetti atqarýǵa tartyldy Qaýipsizdikti qamtamasyz etý jáne qoǵamdyq tártipti saqtaý maqsatynda azamattardy júrgizilip jatqan is-sharalarǵa túsinistikpen qaraýdy suraımyz», – delingen habarlamada.

Eske salaıyq, buǵan deıin Talǵarda jappaı tóbeles bolyp, saldarynan 16 jastaǵy jasóspirim kóz jumǵan edi. Keıinnen jaǵdaıdyń mán-jaıy anyqtaldy. Janjal jasóspirimniń otbasy jumys isteıtin dúkende bastalǵan. Týystarynyń aıtýynsha, saýda núktesine kelgen satyp alýshy syra alyp, aqshasyn tóleýden bas tartqan. Osydan keıin tóbeles bastalǵan. Prokýratýra jeti kúdikti qamaýǵa alynǵanyn habarlady.

12 qazanda Almaty oblysy, Talǵar qalasynda bir top buzaqynyń qolynan qaza tapqan 16 jastaǵy jasóspirimniń úıi senbige qaraǵan túni órtenip ketkeni habarlanǵan edi. Ishki ister mınıstriniń orynbasary Talǵardaǵy Sherzat Bolattyń órtengen úıine bardy.