17 جاستاعى قازاقستاندىق قىز مالايزيادا قايتىس بولدى

فوتو: ۆيدەودان سكرين

كۋالا-لۋمپۋردا قىتايدىڭ Xiamen ۋنيۆەرسيتەتىنىڭ 17 جاستاعى ستۋدەنتى, قازاقستاندىق نۇراي قادىر پنەۆمونيادان قايتىس بولدى. قازاقستاننىڭ ىشكى ىستەر مينيسترلىگى نۇرايدىڭ مالايزيا اۋرۋحاناسىندا قايتىس بولۋىنا قاتىستى تەرگەۋ باستالعانىن راستادى, دەپ حابارلايدى  qandastar.kz Stan.kz-كە سىلتەمە جاساپ.

قازاقستاندىق نۇراي قادىر كۋالا-لۋمپۋر ماڭىنداعى سەپانگ قالاسىنداعى قىتايدىڭ Xiamen ۋنيۆەرسيتەتىندە ءبىلىم العان. 21 جەلتوقساندا ول اناسىنا حابارلاسىپ ىستىعى كوتەرىلىپ, اۋىرىپ جاتقانىن ايتقان. جەلتوقسان ايىنىڭ سوڭىندا نۇرايدىڭ اناسىنا 17 جاستاعى قىزىنىڭ پنەۆمونيادان قايتىس بولعانى تۋرالى سۋىق حابار جەتكەن. سىرتقى ىستەر مينيسترلىگى قازاقستان ەلشىلىگىنىڭ قىزمەتكەرلەرى اۋرۋحانا باسشىلىعىمەن ۇنەمى بايلانىستا ەكەنىن مالىمدەدى.

“اۋرۋحانادا وتانداسىمىزدىڭ ولىمىنە قاتىستى قىزمەتتىك تەكسەرۋ جۇرگىزىلىپ جاتىر. قورىتىندىسى مارقۇمنىڭ اناسىنا بەرىلەدى. مارقۇمنىڭ تۋىستارىنا ءمايىتتى تاسىمالداۋعا كومەك بەرىلدى. ەلشىلىك قىزمەتكەرلەرى نۇرايدىڭ وقىعان ۋنيۆەرسيتەتىمەن بايلانىستا”, – دەپ مالىمدەدى سىرتقى ىستەر مينيسترلىگى.

نۇرايدىڭ اناسىنىڭ ايتۋىنشا, مەديتسينا قىزمەتكەرلەرى قىزىنا دەر كەزىندە كومەك كورسەتپەگەن. ول قىزىنىڭ ولىمىنە اۋرۋحانا دارىگەرلەرى كىنالى دەپ وتىر. ول پۋلمونولوگتى شاقىرماي, كومپيۋتەرلىك توموگرافيا مەن تالداۋ جاسامادى دەپ ايىپتايدى. قوڭىراۋ روجدەستۆو مەرەكەسىندە تۇسكەن. ال دارىگەرلەر جۇمىس ىستەگىسى كەلمەگەن دەيدى. ول كىنالىلەردىڭ جاۋاپقا تارتىلۋىن تالاپ ەتەدى.

سونداي-اق ول قىزىنىڭ ولىمىنە نە سەبەپ بولعانىن انىقتاپ, كىنالىلەردى تابۋ ءۇشىن قىزىنىڭ سىنىپتاستارىنا حابارلاسقان. مارقۇمنىڭ تانىستارى ۋنيۆەرسيتەت وكىلدەرىنىڭ وزدەرىن قورقىتىپ جاتقانىن ايتقان.

“نۇراي اۋىرىپ, ءالى كەتىپ جۇرگەنىن بىلىم بەرۋ مەكەمەسىنىڭ اكىمشىلىگىنە دەپ ايتقان. الايدا ولار جەدەل جاردەم شاقىرىپ, ەمدەۋ مەكەمەسىنە بارۋعا ەش نەگىز جوق ەكەنىن جەتكىزگەن. ەمحاناعا جولدامانى تەك 3 كۇننەن كەيىن بەردى. ال مەديتسينا قىزمەتكەرلەرى كەلگەندە ءبارى كەش بولدى”, – دەيدى نۇرايدىڭ تانىستارى.

ولار ءبىلىم مەكەمەسىنىڭ باسشىلىعى ءوز كىناسىن جاسىرۋعا تىرىسىپ جاتىر دەپ سانايدى.

وسىلايشا نۇراي جەكەمەنشىك ەمحانالاردىڭ بىرىندە كوز جۇمدى. بولعان جاعدايدا بارىنشا نازار اۋدارتۋعا تىرىسىپ جاتقان ستۋدەنتتەردى ۋنيۆەرسيتەت وكىلدەرى “جالا جابۋ” ءىسى بويىنشا سوتقا بەرەمىز دەپ قورقىتقان.

“ۋنيۆەرسيتەت باسشىلىعىنىڭ سوندا وقىپ جاتقان قازاقتارعا كەلگەندە تەرىس كوزقاراستا ەكەنىن بايقادىق. قازىر قازاقستاننىڭ ۇش ازاماتى اۋرۋحانادا جاتىر. بىراق ولاردىڭ جاعدايى ۋنيۆەرسيتەت باسشىلىعىن ەش الاڭداتپايدى”, – دەيدى ستۋدەنتتەر.

سىرتقى ىستەر مينيسترلىگىنىڭ مالىمەتىنشە, قازىر قازاقستاننىڭ 63 ستۋدەنتى مالايزياداعى ەلشىلىگىنىڭ كونسۋلدىق ەسەبىندە تىركەلگەن. سونداي-اق ونداعى تىركەۋ ەرىكتى تۇردە جۇرەدى جانە ەشقانداي مىندەتتەمەلەردى مەڭزەمەيدى دەيدى ۆەدومستۆوداعىلار.