17 jastaǵy qazaqstandyq qyz Malaızııada qaıtys boldy

Foto: vıdeodan skrın

Kýala-Lýmpýrda Qytaıdyń Xiamen ýnıversıtetiniń 17 jastaǵy stýdenti, qazaqstandyq Nuraı Qadir pnevmonııadan qaıtys boldy. Qazaqstannyń Ishki ister mınıstrligi Nuraıdyń Malaızııa aýrýhanasynda qaıtys bolýyna qatysty tergeý bastalǵanyn rastady, dep habarlaıdy  qandastar.kz Stan.kz-ke silteme jasap.

Qazaqstandyq Nuraı Qadir Kýala-Lýmpýr mańyndaǵy Sepang qalasyndaǵy Qytaıdyń Xiamen ýnıversıtetinde bilim alǵan. 21 jeltoqsanda ol anasyna habarlasyp ystyǵy kóterilip, aýyryp jatqanyn aıtqan. Jeltoqsan aıynyń sońynda Nuraıdyń anasyna 17 jastaǵy qyzynyń pnevmonııadan qaıtys bolǵany týraly sýyq habar jetken. Syrtqy ister mınıstrligi Qazaqstan elshiliginiń qyzmetkerleri aýrýhana basshylyǵymen únemi baılanysta ekenin málimdedi.

“Aýrýhanada otandasymyzdyń ólimine qatysty qyzmettik tekserý júrgizilip jatyr. Qorytyndysy marqumnyń anasyna beriledi. Marqumnyń týystaryna máıitti tasymaldaýǵa kómek berildi. Elshilik qyzmetkerleri Nuraıdyń oqyǵan ýnıversıtetimen baılanysta”, – dep málimdedi syrtqy ister mınıstrligi.

Nuraıdyń anasynyń aıtýynsha, medıına qyzmetkerleri qyzyna der kezinde kómek kórsetpegen. Ol qyzynyń ólimine aýrýhana dárigerleri kináli dep otyr. Ol pýlmonologty shaqyrmaı, kompıýterlik tomografııa men taldaý jasamady dep aıyptaıdy. Qońyraý Rojdestvo merekesinde túsken. Al dárigerler jumys istegisi kelmegen deıdi. Ol kinálilerdiń jaýapqa tartylýyn talap etedi.

Sondaı-aq ol qyzynyń ólimine ne sebep bolǵanyn anyqtap, kinálilerdi tabý úshin qyzynyń synyptastaryna habarlasqan. Marqumnyń tanystary ýnıversıtet ókilderiniń ózderin qorqytyp jatqanyn aıtqan.

“Nuraı aýyryp, áli ketip júrgenin bilim berý mekemesiniń ákimshiligine dep aıtqan. Alaıda olar jedel járdem shaqyryp, emdeý mekemesine barýǵa esh negiz joq ekenin jetkizgen. Emhanaǵa joldamany tek 3 kúnnen keıin berdi. Al medıına qyzmetkerleri kelgende bári kesh boldy”, – deıdi Nuraıdyń tanystary.

Olar bilim mekemesiniń basshylyǵy óz kinásin jasyrýǵa tyrysyp jatyr dep sanaıdy.

Osylaısha Nuraı jekemenshik emhanalardyń birinde kóz jumdy. Bolǵan jaǵdaıda barynsha nazar aýdartýǵa tyrysyp jatqan stýdentterdi ýnıversıtet ókilderi “jala jabý” isi boıynsha sotqa beremiz dep qorqytqan.

“Ýnıversıtet basshylyǵynyń sonda oqyp jatqan qazaqtarǵa kelgende teris kózqarasta ekenin baıqadyq. Qazir Qazaqstannyń úsh azamaty aýrýhanada jatyr. Biraq olardyń jaǵdaıy ýnıversıtet basshylyǵyn esh alańdatpaıdy”, – deıdi stýdentter.

Syrtqy ister mınıstrliginiń málimetinshe, qazir Qazaqstannyń 63 stýdenti Malaızııadaǵy Elshiliginiń konsýldyq esebinde tirkelgen. Sondaı-aq ondaǵy tirkeý erikti túrde júredi jáne eshqandaı mindettemelerdi meńzemeıdi deıdi vedomstvodaǵylar.