الەم جاڭالىقتارى
17 جاستاعى قازاقستاندىق تەننيسشى الەمدىك رەيتينگىدە ۇزدىكتەر قاتارىنان تابىلدى
فوتو: ktf
حالىقارالىق تەننيس فەدەراتسياسى (ITF) جاڭارتىلعان جاسوسپىرىمدەر رەيتينگىن جاريالادى, دەپ حابارلايدى qandastar.kz
17 جاستاعى قازاقستاندىق ءامىر ومارحانوۆ رەيتينگىدە ون ساتىعا جوعارى كوتەرىلىپ, قازىر ءتورتىنشى ورىندا تۇر. ول مانسابىندا العاش رەت توپ-5 قاتارىنا كىردى.
وتكەن ماۋسىمدا ومارحانوۆ بەيجىڭدە وتكەن J300 تۋرنيرىندە جەكەلەي جانە جۇپتىق سىندا ءۇش ءىرى جارىستى, سونىڭ ىشىندە بەيرەسمي الەم چەمپيوناتى سانالاتىن Orange Bowl تۋرنيرىندە جەڭىسكە جەتتى.
الەمدىك جاسوسپىرىمدەر رەيتينگىندە زاڭعار نۇرلان ۇلى دا جوعارىلادى. 16 جاستاعى قازاقستاندىق 38-ورىنعا كوتەرىلدى (+36). 2024 جىلى نۇرلان ۇلى جەكەلەي سىندا ءۇش ءىرى تيتۋلدى جەڭىپ الدى: يزميردەگى J100, شىمكەنتتەگى J200 جانە لاتۆياداعى J100.
دامير جالعاسباي توپ-100-گە جاقىنداپ قالدى. قازىر ول 112-ورىندا (+84). دامير بىلتىر كراكوۆتا وتكەن تۋرنيردە جەڭىسكە جەتتى.
