17 جاستاعى قىز ءتورتىنشى ايەل بولۋعا دايىنمىن دەپ جەلىدە جىگىت ىزدەدى

فوتو: اشىق دەرەككوز

17 جاستاعى قىز ءوزىن توقالدىققا ۇسىندى. بۇل تۋرالى Alash.kz ۇلتتىق پورتالىحابارلايدى.

كەشە «قورعاۋ استانا» قورىنىڭ جەتەكشىسى اننا رىل ءوزىنىڭ Facebook پاراقشاسىندا الەۋمەتتىك جەلىلەردە تارالىپ جاتقان ۆيدەومەن ءبولىستى. ۆيدەودا جاس قىز جىگىتتەرمەن تانىسقىسى كەلەتىنىن ايتىپ جاتىر.

 «17 جاستاعى قارىنداسىم ەكىنشى, ءۇشىنشى ايەل بولۋعا دايىن. الماتى. تۇرمىستا ەمەس, بالالارى جوق. ءالحامدۋليللاح, مۇسىلمان, ناماز وقيدى. سالماعى: 68, بويى: 162. ورىس جانە قازاق تىلدەرىن بىلەدى. كوللەدج بىتىرگەن.

ەر جىگىت تۋرالى: جاسى 18-25 ارالىعىندا, ۇلتى ماڭىزدى ەمەس. بالالارى بولعانىنا قارسى ەمەس, ەڭ باستىسى قازاقستاندا تۇرسا بولدى. كوپ ايەل الۋعا دا قارسى ەمەس, كوشۋگە دە دايىن. بۇل قارىنداسپەن بايلانىسۋ ءۇشىن Telegram-ارناعا جازىڭىزدار. سىلتەمە ءپروفيلدىڭ جوعارعى بولىگىندە».

اننا رىل قىزدىڭ جاسىنا نازار اۋداردى:

 «بۇل نە ءازىل مە?» ول كامەلەتكە تولماعان! قانداي ەكىنشى ايەل?»