جاڭالىقتار
«17 جاستاعى ءجاسوسپىرىمنىڭ ءولىمى قايتالانادى»: ماڭعىستاۋ وبلىسىنداعى اۋىل تۇرعىندارى كەڭ تاراعان الىمجەتتىكتى جويۋدى سۇرايدى
فوتو: Lada.kz/ foto-planeta.com
ماڭعىستاۋ وبلىسى اقجىگىت اۋىلىنىڭ تۇرعىندارى بەينەۋ اۋداندىق ىشكى ىستەر ءبولىمىنىڭ باستىعى ەركەبۇلان ىزكەنوۆكە اشىق حات جازدى. ولار وقۋشىلاردى ۇرىپ-سوعىپ, قورقىتۋ بەلەڭ العانىن ايتىپ دابىل قاقتى. بۇل تۋرالى qandastar.kz Lada.kz سايتىنا سىلتەمە جاساپ حابارلايدى.
اقجىگىت اۋىلىنىڭ تۇرعىندارى ەلدىمەكەندە الىمجەتتىك جويىلماسا, 17 جاستاعى جەتكىنشەكتىڭ ءولىمى قايتالانۋى مۇمكىن دەپ قاۋىپتەنەدى.
تۇرعىنداردىڭ سوزىنشە, ءبىر توپ ادام مەكتەپ وقۋشىلارىن قورقىتىپ, اقشا بوپسالايدى. ستۋدەنتتەر دە قورقىپ, جەكە تاپسىرمالاردى ورىنداۋعا ءماجبۇر دەيدى. وعان كەلىسپەگەندەردى ۇرىپ-سوعىپ, قورقىتادى. بۇل فاكتىلەردى جاسىرۋ قايعىلى جاعدايعا اكەلدى دەيدى.
