جاڭالىقتار
17 جىل بويى قۇلدىقتا بولعان اپالى-ءسىڭلىنىڭ قازىرگى جاعدايى قالاي?
فوتو: اشىق دەرەككوز
تانىمال تەلەجۇرگىزۋشى رۋسلان وتەپباي تۇركىستان وبلىسىندا 17 جىل بويى تۋعان اعاسىندا قۇلدىقتا بولعان اپالى-ءسىڭلى قۇندىز بەن نازگۇلدىڭ قازىرگى جاعدايىن كورسەتتى, – دەپ حابارلايدى qandastar.kz
جۋرناليست اپالى-ءسىڭلى قىزدارمەن بىرگە فوتوسەسسيا ۇيىمداستىرعان.
«بىزگە كەلگەندە قىزدار قانداي ەدى? كۇتىم مەن جىلىقاباق بولسا, جايقالمايتىن قىز جوق بۇل الەمدە…» – دەپ جازدى تەلەجۇرگىزۋشى.
ايتا كەتسەك, بۇعان دەيىن تۇركىستان وبلىسىندا اپالى-ءسىڭلى قىزداردىڭ اۋىر جۇمىسقا سالىنىپ, قۇلدىقتا بولعانى تۋرالى بۇعان دەيىن باق بەتتەرىندە جازىلعان بولاتىن.
اتا-اناسى اياقاستى قايتىس بولعاننان كەيىن ەكى قىزدى اكەسىنىڭ اعاسى اسىراپ العان. الايدا, اعالىق قامقورلىق كورسەتۋدىڭ ورنىنا, ونسىز دا دەنساۋلىعىندا اقاۋى بار قىزداردى ول مالعا سالىپتى.
قىزداردىڭ جايى بۇقاراعا جاريا بولعاننان كەيىن اعاسى ساۋلەبەكتىڭ ۇستىنەن قىلمىستىق ءىس قوزعالىپتى. بۇل تۋرالى جۋرناليست رۋسلان وتەپباي ءوزىنىڭ Instagram-پاراقشاسىندا جازعان ەدى.
«اعاسى ساۋلەبەك اپالى-ءسىڭلىنى قوي باقتىرىپ, تۇرمىستىق ومىرگە كەرەكتى زاتتارمەن قامتاماسىز ەتپەگەن. مەملەكەتتەن ول قىزدارعا بولگەن اقشانى وزدەرى جاراتقان. بۇل وقيعانى كورگەن قىزداردىڭ بۇرىڭعى سىنىپتاستارى جاعدايلارىنىڭ مۇشكۇل ەكەنىن حابارلاعان ەدى. قازىر قىزدار ءۇش اپتادان بەرى كەشەندى ەم قابىلداۋدا», – دەپ جازدى جۋرناليست.
