جاڭالىقتار
ارداگەرلەردى ارداقتايىق
وتكەن جىلدىڭ 14-قىركۇيەگىندە تۇڭعىش پرەزيدەنت ن.نازارباەۆ 2019 جىلدى «جاستار جىلى» دەپ, سايكەسىنشە قاۋلى قابىلداعان ەدى. اعىمداعى جىلى اتقارىلعان جۇمىستاردىڭ قاتارىنا «ازاماتتىق بورىش» جوباسى دا ەنىپ وتىر.
«جاستار جىلىنىڭ» اياسىندا جۇزەگە اسىپ وتىرعان شارانى «ادىرنا» ۇلتتىق-ەتنوگرافيالىق بىرلەستىگى الماتى قالالىق دامۋ باسقارماسىنىڭ قولداۋىمەن جولعا قويدى. كەرى بايلانىس سيپاتىندا وتكىزىلگەن كەزدەسۋدىڭ قوناقتارى- اۋعان سوعىسىنىڭ ارداگەرلەرى سەرىكباي كەڭەسباي ۇلى مەن مەيرامبەك دارىباەۆ.
تاريحي وقيعانىڭ تىكەلەي كۋاگەرلەرىنەن سان ءتۇرلى سۇراققا جاۋاپ الا العان م.ەسبولات ۇلى اتىنداعى كازارمانىڭ كۋرسانت, ستۋدەنتتەرى ارداگەرلەردىڭ مازمۇن مەن مانگە تولى اڭگىمەلەرىنەن سۋسىنداپ قايتتى. جاستارعا تاربيەلىك, تارتىپتىك بەرەرى مول شارا كوكىرەككە كۇش, رۋحقا ازىق بولارى ءسوزسىز!
