جاڭالىقتار
«قازاۆتوجول» اۋا رايىنا بايلانىستى حابارلاما جاسادى
فوتو: اشىق دەرەككوز
«قازاۆتوجول» مەكەمەسى 6 وڭىردەگى جولداردا اۋا رايىنا بايلانىستى كولىك قوزعالىسى شەكتەلگەندىگىن حابارلادى, دەپ جازادى qandastar.kz
اباي وبلىسىندا ساعات 19:30-دا «الماتى-وسكەمەن» اۆتوجولىنىڭ 615-967 شاقىرىم ارالىعىندا (جەتىسۋ وبلىسىنىڭ شەكاراسى – قالباتاۋ اۋىلى) كولىكتىڭ بارلىق ءتۇرىنىڭ قوزعالىسىنا شەكتەۋ قويىلدى.
جەتىسۋ وبلىسىندا 19:30-دا «الماتى-وسكەمەن» اۆتوجولىنىڭ 585-615 شاقىرىم ارالىعىندا ء(ۇشارال قالاسى – اباي وبلىسىنىڭ شەكاراسى) كولىكتىڭ بارلىق ءتۇرىنىڭ قوزعالىسىنا شەكتەۋ قويىلدى. جول 11 قاراشا كۇنى ساعات 06:00-دە اشىلۋى ءتيىس.
قاراعاندى وبلىسىندا ساعات 20:30-دا «ەكاتەرينبۋرگ-الماتى» اۆتوجولىنىڭ 1353-1426, 1426-1446 شاقىرىم ارالىعىندا (اقمولا وبلىسىنىڭ شەكاراسىنان تەمىرتاۋ تولەماقى الۋ پۋنكتىنە دەيىن, تەمىرتاۋ تولەماقى الۋ پۋنكتىنەن تەمىرتاۋ قالاسىنا دەيىن) جۇك جانە جولاۋشىلار كولىكتەرىنىڭ قوزعالىسىنا شەكتەۋ قويىلدى.
اقمولا وبلىسىندا ساعات 20:30-دا «ەكاتەرينبۋرگ-الماتى» اۆتوجولىنىڭ 1291-1353 شاقىرىمى ارالىعىندا (جىبەك جولى تولامقى الۋ پۋنكتىنەن قاراعاندى وبلىسىنىڭ شەكاراسىنا دەيىن) جۇك جانە جولاۋشىلار كولىكتەرىنىڭ قوزعالىسىنا شەكتەۋ قويىلدى. جول 11 قاراشا ساعات 08:00-دە اشىلادى دەپ جوسپارلانعان.
شىعىس قازاقستان وبلىسىندا ساعات 21:00-دە «وسكەمەن-سەمەي» اۆتوجولىنىڭ 10-103 شاقىرىمى ارالىعىندا (گەراسيموۆكا اۋىلىنان اباي وبلىسىنىڭ شەكاراسىنا دەيىن) جۇك جانە جولاۋشىلار كولىكتەرىنىڭ قوزعالىسىنا شەكتەۋ قويىلدى.
اباي وبلىسىندا ساعات 21:00-دە شقو-دا اۋا رايىنىڭ بۇزىلۋىنا بايلانىستى اباي وبلىسىندا «وسكەمەن-سەمەي» اۆتوجولىنىڭ 103-198 شاقىرىمى ارالىعىندا (شقو شەكاراسىنان سەمەي قالاسىنا دەيىن) جۇك جانە جولاۋشىلار كولىكتەرىنىڭ قوزعالىسىنا شەكتەۋ قويىلدى. جولدى 11 قاراشا كەشكى ساعات 08:00-دە اشۋ جوسپارلانعان.
