«QazAvtoJol» aýa raıyna baılanysty habarlama jasady

Foto: ashyq derekkóz

«QazAvtoJol» mekemesi 6 óńirdegi joldarda aýa raıyna baılanysty kólik qozǵalysy shektelgendigin habarlady, dep jazady qandastar.kz

Abaı oblysynda saǵat 19:30-da «Almaty-О́skemen» avtojolynyń 615-967 shaqyrym aralyǵynda (Jetisý oblysynyń shekarasy – Qalbataý aýyly) kóliktiń barlyq túriniń qozǵalysyna shekteý qoıyldy.

Jetisý oblysynda 19:30-da «Almaty-О́skemen» avtojolynyń 585-615 shaqyrym aralyǵynda (Úsharal qalasy – Abaı oblysynyń shekarasy) kóliktiń barlyq túriniń qozǵalysyna shekteý qoıyldy. Jol 11 qarasha kúni saǵat 06:00-de ashylýy tıis.

Qaraǵandy oblysynda saǵat 20:30-da «Ekaterınbýrg-Almaty» avtojolynyń 1353-1426, 1426-1446 shaqyrym aralyǵynda (Aqmola oblysynyń shekarasynan Temirtaý tólemaqy alý pýnktine deıin, Temirtaý tólemaqy alý pýnktinen Temirtaý qalasyna deıin) júk jáne jolaýshylar kólikteriniń qozǵalysyna shekteý qoıyldy.

Aqmola oblysynda saǵat 20:30-da «Ekaterınbýrg-Almaty» avtojolynyń 1291-1353 shaqyrymy aralyǵynda (Jibek Joly tólamqy alý pýnktinen Qaraǵandy oblysynyń shekarasyna deıin) júk jáne jolaýshylar kólikteriniń qozǵalysyna shekteý qoıyldy. Jol 11 qarasha saǵat 08:00-de ashylady dep josparlanǵan.

Shyǵys Qazaqstan oblysynda saǵat 21:00-de «О́skemen-Semeı» avtojolynyń 10-103 shaqyrymy aralyǵynda (Gerasımovka aýylynan Abaı oblysynyń shekarasyna deıin) júk jáne jolaýshylar kólikteriniń qozǵalysyna shekteý qoıyldy.

Abaı oblysynda saǵat 21:00-de ShQO-da aýa raıynyń buzylýyna baılanysty Abaı oblysynda «О́skemen-Semeı» avtojolynyń 103-198 shaqyrymy aralyǵynda (ShQO shekarasynan Semeı qalasyna deıin) júk jáne jolaýshylar kólikteriniń qozǵalysyna shekteý qoıyldy. Joldy 11 qarasha keshki saǵat 08:00-de ashý josparlanǵan.