جاڭالىقتار
18 اتا-انا تۇرمەگە قامالدى
فوتو: canva.com
پاۆلوداردا جىل باسىنان بەرى 415 ملن تەڭگە سوماسىنا اليمەنت قارىزى وتەلدى, دەپ جازادى inbusiness.kz سايتى.
پاۆلودار وبلىسىندا پروكۋرورلار مۇددەلى ورگاندارمەن بىرلەسىپ, نەمقۇرايلى اتا-انالاردان بالالاردى اسىراۋعا اليمەنت قارىزىن تۇراقتى نەگىزدە ءوندىرىپ الۋ بويىنشا جۇمىس جۇرگىزىپ جاتىر.
بوس ورىندار جارمەڭكەسى ۇيىمداستىرىلدى, سونىڭ ناتيجەسىندە 68 بورىشكەر جۇمىسقا ورنالاستى, 240 بورىشكەرگە جۇمىسپەن قامتۋ ورگاندارىنا ەسەپكە قويۋ تۋرالى حابارلاما بەرىلدى.
اليمەنت تولەمەيتىندەردىڭ 33-ىندە جۇرگىزۋشى كۋالىگى توقتاتىلدى.
قاساقانا بورىشكەرلەرگە تيەسىلى كولىك قۇرالدارىن تابۋ جانە ۇستاۋ بويىنشا بىرلەسكەن رەيد بارىسىندا بورىشكەرلەردىڭ 6 كولىگى ايىپ تۇراعىنا قامالدى, ول بويىنشا 5 ملن تەڭگەگە بورىشى وتەلدى.
10 ملن تەڭگە سوماسىنا 5 جىلجىمايتىن م ۇلىك ءوندىرىپ الۋشىلارعا قارىزدى وتەۋ ەسەبىنە بەرىلدى.
اليمەنت تولەۋ مىندەتىن ورىنداماعانى ءۇشىن 180 بورىشكەر اكىمشىلىك جاۋاپكەرشىلىككە تارتىلدى, 2 جىلعا دەيىنگى مەرزىمگە شەكتەۋ نە باس بوستاندىعىنان ايىرۋ تۇرىندەگى جازانى كوزدەيتىن قك 139-بابى بويىنشا قىلمىستىق جاۋاپكەرشىلىككە تارتۋ جونىندە 58 ۇسىنىس جىبەرىلدى.
18 بورىشكەر سوتتالدى.
