18 mln para: Jer resýrstaryn basqarý departamenti basshysy jáne onyń sybaılasy sottaldy

Foto: Nurbolat Nurjaýbaı

Jer resýrstaryn basqarý departamenti basshysy men onyń sybaılasy sottaldy, dep habarlady Qandastar.kz.

Túrkistan qalalyq soty Jer resýrstaryn basqarý departamentiniń basshysy A.Myrzaevqa, onyń sybaılasy A.Baltabaevqa jáne osy departamenttiń bólim basshysy B.Jetpisovke qatysty úkim jarııalady. Bul týraly Antıkordyń baspasóz qyzmeti málim etti.

Resmı málimet boıynsha Myrzaev pen Baltabaev alaıaqtyq pen para berýge ıtermeleý, al Jetpisov – para berýge oqtalý boıynsha kináli dep tanyldy.

– Myrzaev pen onyń sybaılasy Baltabaev jer ýchaskesin resimdeý úshin kásipkerdiń 18 mln teńge kólemindegi aqshalaı qarajatyn ıemdengeni anyqtaldy. Sonymen qatar Myrzaev laýazymdy tulǵalarǵa jalpy qamqorlyǵy úshin para berý syltaýymen buryn kelisilgen Jetpisovtyń 5 mln teńgesiniń 70 myń teńge somasyndaǵy aqshalaı qarajatyn alaıaqtyq jolymen ıemdendi, – delingen habarlamada.

Sot úkimimen Myrzaevqa 8 jyl, Baltabaevqa – 7 jyl jáne Jetpisovke – 3 jyl merzimge bas bostandyǵynan aıyrý jáne memlekettik qyzmette qyzmet etý quqyǵynan ómir boıyna aıyrý jazasy taǵaıyndaldy.

Úkimdi jarııa etý Túrkistan qalasynyń Jer resýrstaryn basqarý jónindegi oblystyq departamenti men Jer qatynastary bólimi ujymynyń qatysýymen ótti. Úkim zańdy kúshine engen joq.