18 naýryz — «Ulttyq kıim» kúni

Ár ultty erekshelendiretin – dástúrli qundylyqtary. Adamnyń jeke qoltańbasy bolatyny sekildi, ár ulttyń qoltańbasy ispetti dara ádet-ǵurpy, salt-sanasy bar.

Ulttyq kıim – kez kelgen halyq mádenıetiniń ajyramas bólshegi. Ol jaı ǵana kıim emes, bútin ulttyń bet-bederin aıqyndar ulan-ǵaıyr tarıh.

Osyǵan oraı respýblıkalyq Naýryz merkesine arnalǵan onkúndik sheńberinde Shymkentte 18 naýryz – «Ulttyq kıim» kúni ótedi. Bul kúni ulttyq kıim dızaınerleriniń baıqaýy uıymdastyrylady.

Is-sharanyń maqsaty — qazaqtyń ulttyq kıim úlgilerin kópshilikke nasıhattaý arqyly qazaqtyń kıim kııý úlgisin zamanaýı jańǵyrtý. Osy baǵytta jumys atqaryp jatqan ulttyq kıim dızaınerleriniń týyndylaryn halyqqa keńinen nasıhattaý, sondaı-aq sán álemine ıntegraııalaýǵa yqpal etý.

Jalpy, qazaqtyń ulttyq kıimderi ózge halyqtarǵa uksamaıtyn ózindik erekshelikterimen kóshpeli tirshilikke sáıkes qalyptasqan. Qazaqy kıimniń barsha sándiligi onyń oıý-órneginde, árbir áshekeıinde halqymyzdyń tarıhynyń, oı-dúnıesiniń qaıtalanbas kórinisi jatyr. Erte zamandardan búginge deıin óziniń qadir-qasıetin joımaı, qazaq qolóneriniń ozyq úlgisi retinde ǵana emes, ári ásem, ári yńǵaılylyǵymen de paıdalanýdan qalmaı kele jatqan ulttyq kıimderimiz jeterlik. Sondaı-aq, qazaq kıimderi etek-jeńi mol, qarapaıym, jumysqa jáne júrip — turýǵa úılesimdi, dene symbatyn ashatyn sándi bolyp kelgen.