جاڭالىقتار
«18 سەكۋندتا ۇلگەردى»: ۆيتسە-پرەمەر نە سەبەپتى جەڭىلدەتىلگەن اۆتونەسيە باعدارلاماسى الىنىپ تاستالعانىن ءتۇسىندىردى
فوتو: freepik
پرەمەر-ءمينيستردىڭ ءبىرىنشى ورىنباسارى رومان سكليار جەڭىلدەتىلگەن اۆتونەسيە باعدارلاماسىنا قاتىستى جاعدايعا پىكىر ءبىلدىردى. بۇل تۋرالى Stan.kz اقپارات اگەنتتىگى حابارلايدى.
ۇكىمەت بريفينگىندە جۋرناليستەر ۆيتسە-پرەمەرگە ۇكىمەتتىڭ جەڭىلدەتىلگەن اۆتونەسيە باعدارلاماسىن ليزينگكە اينالدىرعانىن ايتتى.
رومان سكلياردىڭ سوزىنشە, 2022 جىلى «وكم وپەراتورىنىڭ» شوتىنداعى 220 ميلليارد تەڭگەنىڭ 100 ميلليارد تەڭگەسىن جەڭىلدەتىلگەن اۆتونەسيەلەرگە ءبولۋ تۋرالى شەشىم قابىلدانعان. ناتيجەسىندە 15 مىڭنان استام ادام جىلدىق 4 پايىزبەن 7 جىلعا دەيىن نەسيە الدى.
ء«بىز ونى ليزينگكە اينالدىرعان جوقپىز. اي سايىن وسى 100 ميللياردتان قايتارىلاتىن قايتالاناتىن قارجىلاندىرۋعا تاعى 1,2 ميلليارد تەڭگە قۇيىپ, ونى ازاماتتارعا جەڭىل اۆتوكولىك ساتىپ الۋ ءۇشىن جەڭىلدەتىلگەن اۆتونەسيەگە اۋدارامىز دەپ ۋادە بەردىك. الايدا, وسى 1,5 مىڭ ىقتيمال نەسيەگە 100 مىڭعا جۋىق ادام 18 نەمەسە 28 سەكۋند ىشىندە ءوتىنىش بەرىپ ۇلگەرگەن”, – دەدى ۆيتسە-پرەمەر.
رومان سكلياردىڭ ايتۋىنشا, رەۆولۆەرلىك ادىسپەن پايدالانىلعان اقشا قالالىق اۆتوبۋستاردى جەڭىلدەتىلگەن پايىزدىق مولشەرلەمەمەن جالعا الۋعا جۇمسالدى.
ء«بىزدىڭ ويىمىزشا, بۇل ادىلەتتى. ويتكەنى ونى بارلىق ازاماتتارىمىز پايدالانادى. كولىگى جوقتاردىڭ سانى اۆتوكولىك اۋەسقويلارىنان الدەقايدا كوپ. ارينە, كوڭىلى تولمايتىندار دا بار. نەسيەگە كولىك العان سول 17 مىڭ ادام الەۋمەتتىك جەلىگە قۋانعانىن, شەنەۋنىكتەردىڭ جاقسى ەكەنىن جازبايدى. ال بۇل اۆتوكولىك نەسيەسىن الماعاندار نارازى. ءبىز مۇنى جاقسى تۇسىنەمىز. بىراق قالاىشىلىك تاسىمالداۋ قاجەتتىلىگىن قاناعاتتاندىرۋ ءۇشىن شەشىم قابىلداندى», – دەدى ول.
ايتا كەتەيىك, بۇعان دەيىن قازاقستاندا ەندى بىرنەشە نەسيەسى بارلارعا دا اۆتونەسيە بەرىلەتىنى تۋرالى ايتىلعان ەدى. قارىز ۇسىنعالى وتىرعان قارجى ۇيىمدارى جاڭا كولىك مىنۋگە نيەتتى ادامنىڭ بورىش جۇكتەمەسىنە قارامايدى. تەك كەيىنگى التى ايداعى تولەم تاريحى ەسكەرىلەدى.
