«180 ميلليون تەڭگە سۇراعان»: ۇستالعان ەكولوگيا دەپارتامەنتىنىڭ باسشىسىنا قاتىستى جاڭا دەرەك پايدا بولدى

فوتو: اشىق دەرەككوز

شقو-دا اۆتوموبيل جولىنىڭ ۋچاسكەسىن رەكونسترۋكتسيالاۋ كەزىندە پارا العان ەكولوگيا دەپارتامەنتىنىڭ باسشىسىنا قاتىستى جاڭا دەرەك پايدا بولدى. ول قامقورلىعى ءۇشىن 180 ميلليون تەڭگە سۇراعان. بۇل تۋرالى Stan.kz اقپارات اگەنتتىگى حابارلايدى.

سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتىنشە جاسىرىن ءىس-شارانىڭ ناتيجەسىندە «قالباتاۋ-مايقاپشاعاي» رەسپۋبليكالىق ماڭىزى بار اۆتوموبيل جولىنىڭ ۋچاسكەسىن رەكونسترۋكتسيالاۋ كەزىندە اسا ءىرى مولشەردە پارا الۋ فاكتىسى انىقتالعان.

“2024 جىلى 13 شىلدەدە بۇرىن كەلىسىلگەن 130 ميلليون تەڭگەنىڭ 8,5 ميلليون تەڭگەسىن, پارانىڭ ءبىر بولىگى رەتىندە العان شىعىس قازاقستان وبلىسى بويىنشا ەكولوگيا دەپارتامەنتى باسشىسى اشكەرەلەندى.

اقشالاي قاراجات جوعارىدا اتالعان اۆتوجولدى قايتا قۇرۋ جونىندەگى قىزمەتتى جۇزەگە اسىراتىن جول-قۇرىلىس كومپانياسى ديرەكتورىنىڭ ورىنباسارى بەرگەن. وعان وسى اقشا ءۇشىن جالپى قامقورلىق كورسەتىپ, ەكولوگيالىق زاڭنامانى بۇزۋعا جول بەرىلگەن. لاۋازىمدى تۇلعا مەن كومپانيا باسشىسى ۇستالىپ, سوتتىڭ سانكتسياسىمەن قاماۋعا الىندى”, – دەلىنگەن حابارلامادا.

وسى تۇستا سىبايلاس جەمقورلىققا قارسى قىزمەت كاسىپكەرلەردى بارلىق ماسەلەلەرىن تەك قۇقىقتىق نەگىزدە شەشۋگە شاقىرادى.

سەبەبى سوڭعى 3,5 جىلدا اگەنتتىك 65 جەمقورلىق قۇقىق بۇزۋشىلىقتى تىركەلگەن. ولار بويىنشا زالال شامامەن 9 ميلليارد تەڭگەنى قۇراعان.

ەسكە سالساق, شىعىس قازاقستاننىڭ باس ەكولوگى 10 ملن تەڭگە پارا الىپ جاتقان جەرىندە ۇستالعانىن حابارلاعان بولاتىنبىز.