«180 mıllıon teńge suraǵan»: Ustalǵan ekologııa departamentiniń basshysyna qatysty jańa derek paıda boldy

Foto: ashyq derekkóz

ShQO-da avtomobıl jolynyń ýchaskesin rekonstrýkııalaý kezinde para alǵan ekologııa departamentiniń basshysyna qatysty jańa derek paıda boldy. Ol qamqorlyǵy úshin 180 mıllıon teńge suraǵan. Bul týraly Stan.kz aqparat agenttigi habarlaıdy.

Sybaılas jemqorlyqqa qarsy is-qımyl agenttiginiń málimetinshe jasyryn is-sharanyń nátıjesinde «Qalbataý-Maıqapshaǵaı» respýblıkalyq mańyzy bar avtomobıl jolynyń ýchaskesin rekonstrýkııalaý kezinde asa iri mólsherde para alý faktisi anyqtalǵan.

“2024 jyly 13 shildede buryn kelisilgen 130 mıllıon teńgeniń 8,5 mıllıon teńgesin, paranyń bir bóligi retinde alǵan Shyǵys Qazaqstan oblysy boıynsha ekologııa departamenti basshysy áshkerelendi.

Aqshalaı qarajat joǵaryda atalǵan avtojoldy qaıta qurý jónindegi qyzmetti júzege asyratyn jol-qurylys kompanııasy dırektorynyń orynbasary bergen. Oǵan osy aqsha úshin jalpy qamqorlyq kórsetip, ekologııalyq zańnamany buzýǵa jol berilgen. Laýazymdy tulǵa men kompanııa basshysy ustalyp, sottyń sankııasymen qamaýǵa alyndy”, – delingen habarlamada.

Osy tusta Sybaılas jemqorlyqqa qarsy qyzmet kásipkerlerdi barlyq máselelerin tek quqyqtyq negizde sheshýge shaqyrady.

Sebebi sońǵy 3,5 jylda agenttik 65 jemqorlyq quqyq buzýshylyqty tirkelgen. Olar boıynsha zalal shamamen 9 mıllıard teńgeni quraǵan.

Eske salsaq, Shyǵys Qazaqstannyń bas ekology 10 mln teńge para alyp jatqan jerinde ustalǵanyn habarlaǵan bolatynbyz.