«Úsh sarbaz jabylyp soqqyǵa jyqty deıdi»: Jarkentte áskerı bólimshe kapıtanynyń máıiti tabyldy

14 qarasha saǵat 01:00 shamasynda 74261 áskerı bólimin baqylaý tobynyń quramynda jetekshilik etetin 26 jastaǵy Darhan Dáýlettiń máıiti tabyldy. Jelide taraǵan aqparat boıynsha jigitti 3 sarbaz jabylyp soqqyǵa jyqqan.

Ápkesi jigittiń Jarkenttegi áskerı bólimde qyzmet etkenine nebári 3 aı bolǵanyn aıtady. Buǵan deıin Otarda, Almatyǵa qyzmet etipti. О́zi jarkenttik bolǵandyqtan, osy jerge aýysqysy kelgen.

“Dáýlet – úıiniń tuńǵyshy. Sol úshin ata-anasynyń janynda olarǵa qolǵabys etkisi kelip júrdi. Sáti túsip, qyrkúıekte aýysty. “Endi jumysyń qalaı, unap jatyr ma?” dep suraǵanymda, “bolady, aqyryndap” dep qysqa qaıyratyn. Tipti úılenip, otbasyly bolyp ta úlgermedi”, – dedi ápkesi.

Dáýlet Darhannyń jaqyndary istiń qaı bappen qozǵalǵany, tergeý boıynsha istiń mán-jaıynan habarsyz. Qorǵanys mınıstrligi bárin jasyryn ustap otyr deıdi. Olar tek sot-medıınalyq saraptama qorytyndysyn kútip otyr. Alaıda olarǵa jetken jáne jelide taraǵan aqparat boıynsha úsh sarbaz Dáýletke tıisip, aralarynda janjal shyqqan. Al taǵy bir nusqa boıynsha obektilerdiń dıversııaǵa qarsy jospardan tys oqý-jattyǵýlardy ótkizý kezinde qaýipsizdik erejeleri buzylyp, oqys oqıǵa boldy.

“Qatardaǵy jaýyngerler Nurman Ábsadyq, Baqbergen Rýstamuly, Aıat Shákir kapıtanǵa jabylǵan deıdi. Sodan soń aıaq-qolyn baılap, 74261 áskerı bóliminiń sport qalashyǵyna qaraı aparyp, ony sol jerde qaldyryp ketken. Dáýlettiń es-tússiz jatqanyn sport qalashyǵynyń janynan ótip bara jatqan aǵa leıtenant Súıindik baıqaǵan. Ol narıad pen kezekshi dárigerdi shaqyrtty. Jedel járdem kelgenshe ol mert bolyp ketti. Sarbazdarǵa Dáýletti ursyn dep áskerı bólimniń komandıri maıor Qaztaı tapsyrma bergen deıdi”, – dedi Gúlmıra Máýletqyzy.

Máýletqyzy atalmysh aqparat sondaǵy áskerıler arasynda tarap jatqanyn aıtady.

“О́limniń aldyn ala sebebi – qylqyndyrý deıdi. Ofıerler chatynda qaýipsizdik erejesi buzylǵan dep jazyldy. Sol kezde Dáýlettiń aıaq-qolyn baılap, syrtqa shyǵaryp tastaǵan dep aıtady. Shyndyq ashylmaı qalady dep qorqamyz. “Abaısyzda kisi ólimi” nemese “Qaýipsizdik sharalaryn buzý” dep jaltaryp ketetin sııaqty, biraq ol qısynǵa syımaıdy”, – dedi marqumnyń jaqyny.

Stan.kz tilshisi qorǵanys mınıstrliginen jaǵdaı boıynsha pikir surady.

“14 qarashada dıversııaǵa qarsy qaýipsizdik boıynsha jospardan tys sabaqtar ótkizý barysynda qaýipsizdik sharalaryn buzý saldarynan Jarkent garnızony áskerı bólimderiniń biriniń ofıeri alǵan jaraqatynan mert boldy. Atalǵan fakti boıynsha qylmystyq is qozǵaldy, tergeý múddesi úshin ózge de aqparat jarııa etilmeıdi.

Qurlyq áskerleriniń qolbasshylyǵy marqumnyń týystary men jaqyndaryna kóńil aıtady, olarǵa barlyq qajetti kómek kórsetiledi”, – dep málimdedi qurlyq áskerleriniń baspasóz qyzmeti Merýert Maqasheva.