جاڭالىقتار
19 بالانى وقىتقان. قاراساي اۋدانىندا زاڭسىز مەدرەسە انىقتالدى
فوتو: اشىق دەرەككوز
الماتى وبلىسى قاراساي اۋدانىندا 19 بالانى زاڭسىز وقىتقان جاسىرىن مەدرەسە جۇمىس ىستەپ تۇرعانىن انىقتادى, دەپ حابارلايدى Ulysmedia.kz.
وبلىستىق پروكۋراتۋرانىڭ مالىمەتىنە قاراعاندا, تاجىكستان ەلىنىڭ تۋماسى جەكە ءۇيدىڭ اۋماعىندا اراب جازۋلارى بار ءدىني ادەبيەتتەردى قولدانىپ, بالالارعا ساباق بەرگەن.
تەكسەرۋ كەزىندە 179 دانا ءدىني ادەبيەت, سونىمەن قاتار ۇيالى تەلەفون مەن نوۋتبۋك تاركىلەنىپ, ءتيىستى ساراپتامالار بەلگىلەندى. كىنالى ادامدى زاڭمەن بەلگىلەنگەن جاۋاپكەرشىلىككە تارتۋ ماسەلەسى قاراستىرىلىپ جاتىر. قازىر بالالار اتا-انالارىنا قايتارىلدى, – دەلىنگەن حابارلامادا.
ەستەرىڭىزگە سالا كەتەيىك, ءدال وسىعان ۇقساس جاعداي شىمكەنت قالاسىندا دا تىركەلدى. وندا ەلىمىزدە شەكتەۋ قويىلعان ءدىني اعىم ءوز جۇمىسىن جاساپ كەلگەن.
