جاڭالىقتار
1972 جىلى ۇشىرىلعان كەڭەستىك «كوسموس-482» عارىش كەمەسى جەرگە قۇلادى
فوتو: بوريس كاۆاشكين / تاسس
1972 جىلى ۆەنەراعا ۇشىرىلعان كەڭەستىك اۆتوماتتى پلانەتاارالىق «كوسموس-482» عارىش كەمەسى ءۇندى مۇحيتىنا قۇلادى, دەپ جازدى qandastar.kz
بۇل تۋرالى Stan.kzاقپارات اگەنتتىگى روسكوسموسقا سىلتەمە جاساپ حابارلايدى.
روسكوسموس مالىمەتىنشە, عارىش كەمەسى قۇلاعان سوڭ, ءوز قىزمەتىن توقتاتتى.
«1972 جىلى ۇشىرىلعان «كوسموس-482″ عارىش كەمەسى وربيتادان شىعىپ, ءۇندى مۇحيتىنا قۇلاپ, ءوز قىزمەتىن توقتاتتى», – دەلىنگەن حابارلامادا.
قۇرىلعى استانا ۋاقىتىمەن ساعات 11:24-تە ورتا اندامان ارالىنان باتىسقا قاراي 560 شاقىرىم جەردە اتموسفەرانىڭ تىعىز قاباتتارىنا ەنىپ, دجاكارتانىڭ باتىسىنداعى ءۇندى مۇحيتىنا قۇلاعان.
«كوسموس-482» عارىش ستانتسياسى 1972 جىلدىڭ كوكتەمىندە ۆەنەرانى زەرتتەۋ ءۇشىن ۇشىرىلدى. ول كونسترۋكتسياسى, بورتتىق جۇيەلەرىنىڭ قۇرامى جانە عىلىمي اپپاراتۋراسى جاعىنان ۆەنەرا-8 ستانتسياسىن قايتالادى. بىراق كۇشەيتكىش قوندىرعىنىڭ دۇرىس جۇمىس ىستەمەۋىنە بايلانىستى قۇرىلعى پلانەتاارالىق تراەكتورياعا ەنبەي, جوعارى ەلليپتيكالىق وربيتادا قالىپ, بىرتە-بىرتە جەرگە جاقىندادى.
