Sherzat Bolattyń ákesiniń ústinen qylmystyq is qozǵaldy

Foto: Qaz365.kz

Bıyl qazannyń basynda Talǵardaǵy janjal kezinde qaza tapqan Sherzat Bolattyń ákesi Qarjaýbaı Nurymovtyń ústinen qylmystyq is qozǵaldy. Bul týraly Nurymovtyń advokaty Asqar Qaımaqov áleýmettik jelidegi paraqshasynda habarlady, dep jazdy qandastar.kz

Advokat málimetinshe, polıııa búgin Qarjaýbaı Nurymovtyń ústinen qylmystyq is qozǵaǵan. «Búgin polıııa Qarjaýbaı Nurymovqa qatysty QR QK 202-baby negizinde (bóten adamnyń múlkin qasaqana joıý nemese búldirý) sotqa deıingi tergeý jumystaryn bastady», — dep jazdy advokat Facebook áleýmettik jelisindegi paraqshasynda.

Buǵan qatysty Almaty oblysynyń polıııa departamenti Telegram-daǵy arnasynda aqparat taratyp, qylmystyq is qozǵalǵanyn rastady.

«Polıııa bótenniń múlkin qasaqana búldirý faktisi boıynsha qylmystyq is tirkedi. 10 jeltoqsanda Eńbekshiqazaq aýdanynyń Azat aýylynda oryn alǵan quqyqqa qarsy is-qımyl nátıjesinde avtokólik ıesine materıaldyq zalal keltirilgeni anyqtaldy, bul ákimshilik jaýapkershilik sheginen edáýir asyp, is-árekettiń qylmystyq saralanýyna ákep soǵady», — dep habarlady Almaty oblysy polıııasy. Oblystyq polıııa málimetinshe, Nurymov «qoǵamdyq orynda jáne polıııa qyzmetkerlerine qarsy dóreki sóz sóıledi, olardy pyshaqpen qorqytty, sonymen qatar basqa bireýdiń múlkine qasaqana zaqym keltirdi, atap aıtqanda, kólikti pyshaqpen syryp, dóńgelekti tesip tastady».

Qylmystyq kodekstiń 202-baby eki jylǵa deıin bas bostandyǵynan aıyrý jazasyn qarastyrady.