1991 jyldan beri elge qansha qandas oraldy?

Foto: informburo.kz

1991 jyldan beri respýblıkaǵa 1 mln 135,7 myń etnıkalyq qazaq oraldy, dep habarlaıdy  Eńbek jáne halyqty áleýmettik qorǵaý mınıstrligi.

2024 jylǵy 1 maýsymdaǵy jaǵdaı boıynsha, 7 353 etnıkalyq qazaq tarıhı otanymen tabysyp, qandas mártebesin alǵan. Jyl basynan Qazaqstanǵa kelgen qandastardyń jartysy (49,4 paıyz) Qytaıdan, 6,3 paıyz — Túrikmenstannan, 5,4 paıyz  — Mońǵolııadan, 34,4 paıyz — О́zbekstannan, 3,2 paıyz — Reseıden jáne 1,3 paıyz basqa elderden.

Osy jylǵy 1 maýsymdaǵy jaǵdaı boıynsha, eńbekke qabiletti jastaǵy etnıkalyq qonys aýdarýshylar sany 59,1 paıyz, eńbekke qabiletti jastan kishi 31,2 paıyz jáne zeınetkerler 9,7 paıyz.

Eńbekke qabiletti jastaǵy qandastardyń ishinen bilim deńgeıi boıynsha 16,9 paıyzy joǵary bilimdi, 22,6 paıyzy orta kásibı bilimdi, 55,3 paıyzy jalpy orta bilimdi, jáne 5,2 paıyzynyń bilimi joq.

Qonys aýdarǵan etnıkalyq qazaqtar respýblıkanyń túrli óńirlerine qonystanǵan. Sonymen qatar, qandastardy qonystandyrý úshin kelesideı eńbek kúshi tapshy óńirler anyqtaldy: Aqmola, Abaı, Qostanaı, Pavlodar, Shyǵys jáne Soltústik Qazaqstan oblystary.

Qonystandyrý óńirlerinde 2024 jylǵa arnalǵan qandastardy qabyldaý kvotasy — 2 433 adam. 2024 jylǵy 1 maýsymdaǵy jaǵdaı boıynsha qonystandyrý óńirlerine 1697 qandas qonys aýdardy. Joǵaryda atalǵan óńirlerde qonystanǵan qandastarǵa kóshýge sýbsıdııa túrinde memlekettik qoldaý sharalary usynylady — bir mezgilde otaǵasyna jáne otbasynyń árbir múshesine 70 AEK (258,4 myń teńge) mólsherinde; turǵyn úı jaldaýǵa jáne kommýnaldyq qyzmetterge aqy tóleýge — bir jyl ishinde 15ten 30 AEK (55,3den 110,7 myń teńgege deıin) mólsherinde.