«2,2 mlrd teńgeniń buzýshylyqtary»: Memaýdıt esirtki bıznesimen kúrestegi máselelerdiń basyn ashty

Aýdıtorlyq is-sharalar Ishki ister, Densaýlyq saqtaý jáne Ádilet mınıstrlikterin, sondaı-aq UQK Shekara qyzmetiniń vedomstvolyq baǵynysty uıymdaryn qamtydy. Aýdıt 2019 jylǵy qańtardan bastap 2024 jylǵy maýsymǵa deıingi kezeń aralyǵyna júrgizildi.

«Joǵary aýdıtorlyq palatanyń qorytyndysynda kórsetilgendeı, qarajatty utymsyz paıdalaný faktileri anyqtaldy. Máselen, 2023-2024 jyldary bıýdjettik baǵdarlamalardyń ákimshileri 2 mlrd teńge ıgerilmegen qarajatty bıýdjetke qaıtarǵan», delingenvedomstvonyń 2024 jylǵy 6 qarashadaǵy habarlamasynda.

Jekelegen uıymdarda arnaıy tehnıkalyq quraldar men tekserý jabdyqtaryn satyp alý shyǵyndaryn josparlaýda kemshilikter bar: josparlanǵan qarajat keı jaǵdaılarda ilespe qujattar nemese kommerııalyq usynys boıynsha naqty qunynan 4-5 ese asyp túsedi.

«Bul 133 mln teńgege jýyq qarajatty tıimsiz josparlaýǵa sebep bolyp otyr. Nashaqorlyqtyń aldyn alýdyń biryńǵaı modelin ázirleý boıynsha bastama áli iske asyrylǵan joq. Sonymen qatar esirtkige táýeldi adamdardy áleýmettik ońaltý medıınalyq qyzmet bolyp sanalmaıdy jáne Densaýlyq saqtaý mınıstrligi tarapynan retteýge jatpaıdy. Nátıjesinde bul baǵytta standarttar men bekitilgen ádistemeler joq».Joǵary aýdıtorlyq palatanyń baspasóz qyzmeti

Jyl basynda QR Ishki ister mınıstrliginiń keńeıtilgen alqa otyrysynda Memleket basshysy Qasym-Jomart Toqaev memlekettik organdarǵa esirtkiniń taralýyna qarsy kúresti kúsheıtý qajettigin atap ótti.

«Sıntetıkalyq esirtkiniń qoljetimdiligi jáne onyń barynsha tez taralýy jastar arasynda nashaqorlyqtyń beleń alýyna ákep soqtyrady. Olarǵa nashaqorlyqtyń qanshalyqty qaterli ekenin únemi túsindirip otyrý qajet. Polıııa esirtki óndirý, ony satý jáne taratýǵa qarsy belsendi kúres júrgizýi kerek», — dedi Prezıdent.

QR IIM Esirtki qylmysyna qarsy is-qımyl komıtetiniń aqparaty boıynsha búgingi tańda Tik-Tok, Telegram, OLX, VK jáne basqa da tanymal platformalarmen yntymaqtastyq boıynsha sharalar qabyldanýda.

«Bul zańsyz kontentti jedel joıyp otyrýǵa múmkindik beredi. Mysaly, OLX platformasynan kýrer keıpindegi esirtkini jasyrýshylardy jaldaý jónindegi 4,3 myńnan astam habarlama joıyldy. Qazir mundaı habarlamalar 5 mınýt ishinde joıylady. QR IIM málimeti boıynsha nátıjesinde osy saıt arqyly esirtki kýrerlerin arbaý múmkin emes», delingen habarlamada.

Sonymen qatar esirtki qylmysyna qarsy kúres úshin qajetti tehnıka men jabdyqtardy satyp alý, sondaı-aq qyzmettik-izdestirý ıtterin daıarlaý jumystary baıaý júrýde.

Memlekettik aýdıt qorytyndysy boıynsha barlyǵy 2,2 mlrd teńgege buzýshylyqtar anyqtaldy. Onyń ishinde:

• qarjylyq buzýshylyqtar – 14,7 mln teńge;
• qarajatty tıimsiz josparlaý – 2 mlrd teńgeden astam;
• qarajatty tıimsiz paıdalaný – 251,6 mln teńge. 9 júıelik kemshilik anyqtaldy.