«2,5 myń teńge turatyn tarıf qazir 6,5 myń turady»: Uıaly baılanys operatorlaryna aıyppul salyndy

Foto: vlast.kz

Shymkentte 147 jerde uıaly baılanystyń nasharlaýy tirkeldi. Sol sebepti baılanys operatorlaryna aıyppul salyndy. Qazir qarajatty óteý jumystary júrgizilýde, dep habarlaıdy qandastar.kz Otyrar.kz-ke silteme jasap. 

Sońǵy 7 aıda baılanys operatorlaryna 44 mln teńge aıyppul salyndy. Qazir qarajatty óndirip alý jumystary júrgizilip jatyr. Aıta keteıik, Shymkentte ornatylǵan 1600 bazalyq stanııanyń 147-sinde baılanys sapasyna qatysty problemalar anyqtalǵan. Bul týraly ıfrlandyrý basqarmasynda aıtyldy.

«Eń kóp aıyppul 22 mln teńge Kcell-ge salyndy, al Beeline jáne Tele2 árqaısysyna 11 mıllıon teńgeden aıyppul salyndy», – dedi ıfrlandyrý bóliminiń basshysy Muhıt Kemelov. Degenmen qala turǵyndary ınternettiń áli de durys istemeıtinin aıtady. Buǵan qosa sońǵy bir jylda tarıfterdiń quny birneshe esege ósken.

«2,5 myń teńge turatyn tarıf qazir 6,5 myń turady. Olar bizdiń kelisimimizsiz qosady», «Maǵan unaıdy, jaqsy ustaıdy», «Durys jumys istemeıdi. Internetke kirý qıyn», «Baılanys nashar. Buryn 2900 teńge tóleıtinbiz, qazir 5900 teńge tólep jatyrmyz», – deıdi shymkenttikter. О́tken jyly aldyn ala eskertýsiz baılanys qunynyń kóterilý faktisi oryn alǵan. Mamandar azamattardyń aryz-shaǵymy negizinde operatorlarǵa eskertýler berilgenin aıtady. «Operatorlar quny óskenge deıin bir aı buryn eskertýi kerek. Tek sodan keıin ǵana baǵasyn kótere alady. Quzyrly bólim byltyrǵy is boıynsha jumys istep jatyr. Tarıf quny shart talaptaryna saı bolýy kerek», – dep túsindirdi Muhıt Kemelov.

Aıta ketý kerek, bıyl Shymkentte 20 eldi mekenge talshyqty-optıkalyq jelini tartý josparlanýda. Nátıjesinde 210 myń turǵyn sapaly ınternetpen qamtamasyz etiledi.