2,9 trln teńge shyǵyny bola tura joǵary syıaqylar tólegen QTJ-nyń áreketi zańdy ma?

Foto: rail-news.kz

Kompanııa basshylar aıyna orta eseppen 4,1 mıllıon teńge syıaqy alǵan. 2023 jyly basqarma men dırektorlar keńesi múshelerine jalaqyny qosa eseptegende jalpy syıaqy 790 mıllıon teńgeni quraǵany týraly aqparat tarady, dep habarlaıdy Skifnews.kz aqparat portaly.

Jaqynda Joǵarǵy esep palatasynyń tóraǵasy Álıhan Smaıylov ulttyq tasymaldaýshynyń bankrotqa ushyraýy múmkin degen sózinen keıin «Qazaqstan temir joly» kompanııasy kompanııanyń búgingi jaı-kúıi týraly esep berdi.

Kompanııa QTJ-nyń aǵymdaǵy nomınaldy qaryzy 2,9 trln teńgeni quraıtynyn rastady, aıtýlarynsha, kompanııanyń qarjylyq jáne operaııalyq kórsetkishteri jyl saıyn jaqsaryp kele jatyr.

Úsh jyl ishinde kompanııanyń kirisi 2021 jylǵy 1,3 trıllıon teńgeden 2023 jyly 2 trıllıon teńgege deıin turaqty ósý dınamıkasyn saqtap otyr. 2023 jyldyń qorytyndysy boıynsha kirisimiz 134 mlrd teńge boldy, bul 2022 jylmen salystyrǵanda 4 ese artyq. Bul – kompanııanyń sońǵy 10 jyldaǵy eń jaqsy kórsetkishi. Sonymen birge ol barlyq nesıelik mindettemelerin ýaqytynda óteýge jetedi, – deıdi kompanııa.

Ulysmedia.kz saıtynyń jazýynsha, kompanııa óziniń qarjylyq jaǵdaıyn turaqty dep sanaıdy, muny halyqaralyq reıtıngtik agenttikterdiń kredıttik reıtıngteriniń deńgeıi jáne QTJ-ǵa nesıelik jeńildikter men kepildikter beretin halyqaralyq qarjy ınstıtýttarynyń senimi rastaıtynyn atap ótken.

Al Álıhan Smaıylov jarııalaǵan QTJ aýdıtiniń qorytyndysy boıynsha jaǵdaı basqasha. Onyń aıtýynsha, búginde kompanııa óz mindettemelerin oryndaı almaı otyr, ol basqarýdyń tıimsiz ári eski formatynan shyqpasa, jaqyn ýaqytta defoltqa ushyraýy ábden múmkin.

Májilis depýtaty Erlan Saırov osy taqyrypqa qatysty pikir bildirip, «Samuryq-Qazyna» kompanııasyna úlken aýdıt júrgizilýi tıis ekenin málimdedi.

Búgingi tańda, ókinishke qaraı, bizdiń ekonomıkalyq saıasatymyz aqsap tur. О́ıtkeni  «Samuryq-Qazyna» qorynyń quramyndaǵy kompanııalar eshkimge esep bermeıdi. Olar Premer-mınıstrge de, salalyq mınıstrge de esep bermeıdi. Olar dırektorlar keńesiniń tóraǵasyn tyńdamaıdy. Bul ulttyq kásiporyndar, olardyń basshylyǵy qomaqty syıaqy alyp, sol úshin ómir súredi, – dedi depýtat.

Mine, QTJ qaryzy 2,9 trln.teńge, al kompanııanyń top-menedjerleri syıaqy men bonýs retinde 790 mln.teńgeni qaltaǵa basqan. Bul degenińiz qaryzdyń tórtten biri basshylardyń qaltasyna ketti degen sóz. Osynshalyq bylyqqa batyp otyrǵan kompanııa aqshany ońdy-sońdy qalaı shashady?

Bul suraqqa Kólik mınıstri Marat Qarabaev mınıstrler kabınetinde ótken brıfıngte jaýap berdi.

Ol ulttyq kompanııadaǵy premııa berý týraly sheshim derbes qaralatynyn aıtty.

Osyǵan súıene otyryp, kompanııa basshylyǵy jáne birinshi kezekte dırektorlar keńesi paıda ákelýge úles qosqan jekelegen qyzmetkerlerdi marapattaý týraly sheshim shyǵardy dep oılaımyn. Bul sharýashylyq sýbektisi jáne onyń qyzmeti, onyń ishinde premııa máseleleri onyń ekonomıkalyq qyzmeti bolyp sanalady. Al kompanııa qaı qyzmetkerge syıaqy tóleıtinin, qaısysyna tólemeıtinin derbes sheshedi, – dedi mınıstr.

Sonymen birge Qarabaev QTJ kompanııasy 2020 jyldan beri tabysty kompanııa dep sanaıtynyn atap ótti.

Jolaýshylar men lokomotıv parkterin jańartý boıynsha barlyq iri joba ulttyq kompanııanyń óz esebinen júzege asyrylady. Bir bóligin memleket sýbsıdııalaıdy. Bul jolaýshylar tasymalyna boıynsha da. Endi bul nesıe kólemi 2,9 trln teńge jyljymaly quramdy jańartýǵa jáne iri ınfraqurylymdyq jobalardy júzege asyrýǵa jumsalady. Biraq osy kúnge deıin QTJ birde-bir nesıe boıynsha defoltqa jol bergen emes. QTJ-nyń barlyq nesıesi ýaqytynda óteldi. Onyń ústine kompanııa 2020 jyldan beri tabysty boldy. Al ótken 2023 jyly kompanııanyń barlyq qaryzy men mindettemelerin ótegennen keıingi taza tabysy 134 mlrd teńgeni qurady, – dep sendirdi Kólik mınıstrliginiń basshysy.