جاڭالىقتار
2 جاسار بالا اكەسىنىڭ تاپانشاسىمەن ويناپ وتىرىپ, اناسىن اتىپ ءولتىردى
برازيليادا ەكى جاسار بالا اكەسىنىڭ تاپانشاسىمەن ويناپ وتىرىپ, ابايسىزدا اناسىن اتىپ ءولتىردى, دەپ حابارلايدى Qandastar.kz اقپارات پورتالى.
وقيعا ريۋ-ۆەردە-دي-ماتۋ-گروسۋ قالاسىندا بولعان.
ەكى جاسار بالا ۇستەل ۇستىندەگى قاراۋسىز قالعان 9 مم كاليبرلى Glock تاپانشاسىن قولىنا العان. سول ساتتە اتا-اناسى ءۇيدىڭ ماڭىندا سويلەسىپ تۇرعان. بىرنەشە سەكۋندتان كەيىن ءسابي شۇرىپپەنى باسىپ جىبەرگەن, وق 27 جاستاعى ايەلدىڭ قولى مەن كەۋدەسىنە ءتيىپ, اۋىر جاراقاتتاعان.
ايەل العان جاراقاتتارىنان وقيعا ورنىندا كوز جۇمدى.
قازىر مارقۇمنىڭ كۇيەۋى, قارۋدىڭ زاڭدى يەسى رەتىندە «ابايسىزدا كىسى ءولتىرۋ» بابى بويىنشا ايىپتالىپ وتىر. قۇقىق قورعاۋ ورگاندارى تاپانشا مەن وق-دارىلەردى تاركىلەدى. قازىرگى ۋاقىتتا بالانىڭ اكەسىنىڭ قولىندا قالا ما, الدە مەملەكەت قامقورلىعىنا بەرىلە مە دەگەن ماسەلە تالقىلانىپ جاتىر.
