«20 جىل اقشامىزدى ەنەم ۇستادى»: جۇلدىزدى جۇپ وتباسىلىق ءومىرى جايلى سىر شەرتتى

ميراس پەن قۇرالاي 25 جىل وتاسقان ءومىرى جايلى شىنايى سۇحبات بەرىپ, كوپشىلىككە ۇلگى بولارلىق وتباسىلىق ۇستانىمدارىن ءبولىستى, دەپ حابارلايدى Qandastar.kz اقپارات پورتالى.

ءانشى ميراس پەن جارى قۇرالاي وتباسىلىق بيۋدجەتتىڭ باسقارۋى مەن ۇلكەنگە دەگەن قۇرمەت جايلى پىكىرلەرىن ايتتى. 25 جىل اتا-ەنەممەن بىرگە تۇرىپ جاتىرمىز با, 20 جىلىندا اقشانى ەنەم ۇستادى دەدى قۇرالاي.

«انام مەن ۇستايىن دەپ ايتقان ەمەس, ءوزىمىز اپارىپ وتىردىق. بەرەكەلى بولادى عوي. ول جاقسى ۇستايدى, كەشە عانا الدىڭ عوي, تاعى نە سۇراپ تۇرسىڭ دەيتىن. سوسىن جاقىندا وزىمىزگە تابىستادى. ەندى اقشالارىڭدى وزدەرىڭ ۇستاڭدار دەدى. ول دا وڭاي ەمەس», – دەيدى ميراس.

بۇگىندە ەنەسىنىڭ جاسى – 73-تە. ول ۇلى مەن كەلىنىنە جاۋاپكەرشىلىك جۇكتەپ: «مەن ءتىرى كەزىمدە وزدەرىڭ ۇستاۋعا ۇيرەنىڭدەر», – دەپ اقشانى ەندى ولارعا تابىستاعان.

قۇرالاي 25 جىلدان بەرى اتا-ەنەسىمەن بىرگە تۇرىپ كەلە جاتقانىن, ەنەسىنە كەلىن ەمەس, قىزىنداي قاراۋعا تىرىساتىنىن ايتتى.

«كەلىن سول ۇيگە ءوزى كەلەدى. ەشكىم كۇشتەمەيدى. كەلىن سول ءۇيدىڭ بەرەكەسىن, باقىتىن ساقتاپ وتىرۋعا كەلەدى. سوندىقتان ءار سوزگە ءمان بەرىپ, تىرناقتىڭ استىنان كىر ىزدەمەۋ كەرەك. مەن دە وسى شاڭىراققا ك ۇلىپ كەلىپ, قىزىنداي بولىپ وتىرمىن», – دەدى قۇرالاي.

ول سونداي-اق 10 جىل بويى ابىسىندى بولىپ, ميراستىڭ اعاسى مەن جەڭگەسىمەن بىرگە ءبىر شاڭىراق استىندا تۇرعاندارىن ايتتى.

وتباسىنىڭ تۇراقتىلىعى – قۇرمەت پەن سەنىمدە

ميراس پەن قۇرالايدىڭ بۇل اڭگىمەسى الەۋمەتتىك جەلى قولدانۋشىلارىن دا بەيجاي قالدىرمادى. پىكىر قالدىرۋشىلار كوپ بالالى, بىرلىكتى وتباسىن ۇلگى ەتىپ, «قازاقى تاربيەنىڭ كەرەمەت كورىنىسى», «بەرەكەلى ءۇيدىڭ بەلگىسى» دەگەن سىندى جىلى پىكىرلەرىن قالدىردى.