«20 jyl aqshamyzdy enem ustady»: Juldyzdy jup otbasylyq ómiri jaıly syr shertti

Mıras pen Quralaı 25 jyl otasqan ómiri jaıly shynaıy suhbat berip, kópshilikke úlgi bolarlyq otbasylyq ustanymdaryn bólisti, dep habarlaıdy Qandastar.kz aqparat portaly.

Ánshi Mıras pen jary Quralaı otbasylyq bıýdjettiń basqarýy men úlkenge degen qurmet jaıly pikirlerin aıtty. 25 jyl ata-enemmen birge turyp jatyrmyz ba, 20 jylynda aqshany enem ustady dedi Quralaı.

«Anam men ustaıyn dep aıtqan emes, ózimiz aparyp otyrdyq. Berekeli bolady ǵoı. Ol jaqsy ustaıdy, keshe ǵana aldyń ǵoı, taǵy ne surap tursyń deıtin. Sosyn jaqynda ózimizge tabystady. Endi aqshalaryńdy ózderiń ustańdar dedi. Ol da ońaı emes», – deıdi Mıras.

Búginde enesiniń jasy – 73-te. Ol uly men kelinine jaýapkershilik júktep: «Men tiri kezimde ózderiń ustaýǵa úırenińder», – dep aqshany endi olarǵa tabystaǵan.

Quralaı 25 jyldan beri ata-enesimen birge turyp kele jatqanyn, enesine kelin emes, qyzyndaı qaraýǵa tyrysatynyn aıtty.

«Kelin sol úıge ózi keledi. Eshkim kúshtemeıdi. Kelin sol úıdiń berekesin, baqytyn saqtap otyrýǵa keledi. Sondyqtan ár sózge mán berip, tyrnaqtyń astynan kir izdemeý kerek. Men de osy shańyraqqa kúlip kelip, qyzyndaı bolyp otyrmyn», – dedi Quralaı.

Ol sondaı-aq 10 jyl boıy abysyndy bolyp, Mırastyń aǵasy men jeńgesimen birge bir shańyraq astynda turǵandaryn aıtty.

Otbasynyń turaqtylyǵy – qurmet pen senimde

Mıras pen Quralaıdyń bul áńgimesi áleýmettik jeli qoldanýshylaryn da beıjaı qaldyrmady. Pikir qaldyrýshylar kóp balaly, birlikti otbasyn úlgi etip, «Qazaqy tárbıeniń keremet kórinisi», «Berekeli úıdiń belgisi» degen syndy jyly pikirlerin qaldyrdy.