20 jyl boıy jasyrynyp kelgen qazaqstandyq Reseıden ekstradıııalandy

Qazaqstan Respýblıkasynyń Bas prokýratýrasy Reseı Federaııasynan asa iri mólsherde esirtki zattarynyń zańsyz aınalymy men olardyń kontrabandasy úshin qylmystyq jaýaptylyqqa tartý maqsatynda Qazaqstan azamatyn ekstradıııalady, dep habarlaıdy Qandastar.kz aqparat portaly turkystan.kz saıtyna silteme jasap.

Ol 2003 jyly О́zbekstannan Qazaqstan arqyly Reseıge geroın men opıı jetkizýmen aınalysqan qylmystyq toptyń quramyna kirgen.

Kúdikti esirtkini tasymaldaý, saqtaý jáne qylmystyq toptyń basqa múshelerine ótkizý qyzmetterin atqarǵan.

2003 jyly Qyzylorda jáne Qaraǵandy oblystarynda júrgizilgen arnaıy operaııalar barysynda qylmyskerlerdiń bir bóligi ustalyp, olardan 35 kg geroın men 28 kg opıı alynǵan.

Ustalǵan adamdar keıin sottalǵan, al kúdikti quqyq qorǵaý organdarynan qashyp úlgerip, halyqaralyq izdeýge jarııalanǵan.

20 jyl boıy izdeýde júrgen ol ótken jyldyń jeltoqsanynda Reseıdiń Samara oblysynda ustalyp, Qazaqstan Bas prokýratýrasynyń suraýy boıynsha elge ekstradıııalandy.

Qazirgi tańda ol tergeý ızolıatoryna qamaldy.

Aıyptalǵan qylmystardy jasaǵany úshin múlki tárkilenip, 10 jyldan 15 jylǵa deıin bas bostandyǵynan aıyrý jazasy qarastyrylǵan.