200 totyqusty elge alyp kirmek bolǵan qazaqstandyq áıel ustaldy

Memlekettik shekarany qorǵaý qyzmeti aıasynda shekarashylar ótken táýlikterde janarmaı, halyq tutyný taýarlaryn, tipti eki júz totyqusty zańsyz ótkizý áreketiniń jolyn kesken.
Atap aıtqanda, Saryaǵash («B. Qonysbaev» jáne «Jibek joly» ótkizý beketteri) jáne Aqtóbe («Jaısan» beketi) ýchaskelerinde 1 500 lıtr dızel otyny men AI-92 markaly benzındi Qazaqstannan zańsyz alyp shyqpaq bolǵandar ustaldy. Oral shekara jasaǵy ýchaskesinde 900 kg sıyr etin, 3 000 000 teńgeniń qurylys materıaldaryn, 20 tonna jemisti, 18 tonna qantty, Aqtóbe ýchaskesinde 100 kg toqyma ónimderin, 11,5 tonna kókónisti (qııar, qyzanaq, pııaz) Qazaqstanǵa zańsyz alyp kirýge, sondaı-aq Qostanaı ýchaskesinde 31 tonnadan asatyn halyq tutynatyn taýarlardy alyp shyǵýǵa jol berilmedi. Budan bólek, Qyrǵyz Respýblıkasynan 200 totyqusty elge zańsyz jolmen alyp kirmek bolǵan 1975 jyly týǵan QR azamatshasy ustaldy.

Maqalaǵa tolyq silteme: https://www.inform.kz/kz/200-totykusty-elge-alyp-kirmek-bolgan-kazakstandyk-ayel-ustaldy_a3529148