2020 jyly sportty damytýǵa respýblıkalyq bıýdjetten 51 mlrd teńge bólinedi

Búgin Ulttyq Olımpıada komıtettiń bas Assambleıasynyń otyrysynda QR premer-mınıstri Asqar Mamın kelesi jyly sportty damytýǵa qansha qarjy bólinetinin aıtty.

«О́zderińiz jaqsy bilesizder, Elbasy Nursultan Nazarbaevtyń strategııalyq baǵytynyń arqasynda Táýelsizdik jyldary qazaqstandyq sportshylardy daıyndaýdyń tıimdi júıesi quryldy. Alǵash ret 1994 jyly Norvegııanyń Lıllehammer qalasynda ótken Olımpıada oıyndaryna qatysa bastaǵan kezeńnen beri ulttyq qurama 71 medal jeńip aldy. Memleket basshysy Qasym-Jomart Toqaev Qazaqstan halqyna arnalǵan Joldaýynda buqaralyq sportty damytý mindetin qoıdy. Búgingi kúni elimizde dene shynyqtyrý jáne sportpen 5 mıllıonǵa jýyq adam aınalysady», – dedi Asqar Mamın.

Úkimet basshysy Qazaqstanda sportty damytýǵa kóp kóńil bólinetinin atap ótti.
«Bıyl sportty damytýǵa respýblıkalyq bıýdjetten 31 mıllıard teńge bólindi. Kelesi jyly 51 mıllıard teńge josparlanǵan. Bul tek respýblıkalyq bıýdjetten, áli de jergilikti bıýdjetten qarjylandyrylady», – deıdi ol.

BAQ.KZ tilshisi.
Bek TО́LEÝOV