جاڭالىقتار
2023 جىلى 1900-گە جۋىق الاياق جازاعا تارتىلدى
بىلتىر 44 مىڭ قازاقستاندىق الاياقتاردىڭ ارباۋىنا ءتۇسىپ, 140 ملرد تەڭگەسىنەن ايىرىلعان. بۇل تۋرالى باس پروكۋرور بەرىك اسىلوۆتىڭ توراعالىعىمەن وتكەن قىلمىسكەرلىككە قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىندە ايتىلدى. كوبىنە الاياقتار فيشينگ, براشينگ, ديپفەيك تاسىلدەرىن قولدانا وتىرىپ, ازاماتتاردى قارجى پيراميدالارى مەن جالعان ينۆەستيتسيالىق جوبالارعا تارتادى. بىلتىر ىشكى ىستەر مينيسترلىگى جانىنان كيبەرپول بولىمشەلەرى اشىلعان ەدى.
وسىلايشا, 3 800 قىلمىستىڭ بەتى اشىلىپ, زارداپ شەككەندەردىڭ 850 ملن تەڭگەسى ءوندىرىلدى. 1891 ادام قىلمىستىق جاۋاپقا تارتىلدى. جالپى سوڭعى ەكى جىلدا 9 مىڭعا جۋىق الاياققا قىلمىستىق جازا تاعايىندالىپ, 24 ملرد تەڭگەنىڭ زالالى ءوندىرىلدى. باس پروكۋرور قازاقستاندىقتاردى كۇماندى حابارلامالاردى الدىمەن تەكسەرىپ, الاياقتاردان ساقتانۋعا شاقىردى.
