2023 jyly 1900-ge jýyq alaıaq jazaǵa tartyldy

Byltyr 44 myń qazaqstandyq alaıaqtardyń arbaýyna túsip, 140 mlrd teńgesinen aıyrylǵan. Bul týraly Bas prokýror Berik Asylovtyń tóraǵalyǵymen ótken qylmyskerlikke qarsy kúresti qamtamasyz etý jónindegi úılestirý keńesinde aıtyldy. Kóbine alaıaqtar fıshıng, brashıng, dıpfeık tásilderin qoldana otyryp, azamattardy qarjy pıramıdalary men jalǵan ınvestıııalyq jobalarǵa tartady. Byltyr Ishki ister mınıstrligi janynan kıberpol bólimsheleri ashylǵan edi.

Osylaısha, 3 800 qylmystyń beti ashylyp, zardap shekkenderdiń 850 mln teńgesi óndirildi. 1891 adam qylmystyq jaýapqa tartyldy. Jalpy sońǵy eki jylda 9 myńǵa jýyq alaıaqqa qylmystyq jaza taǵaıyndalyp, 24 mlrd teńgeniń zalaly óndirildi. Bas prokýror qazaqstandyqtardy kúmándi habarlamalardy aldymen tekserip, alaıaqtardan saqtanýǵa shaqyrdy.