2024 jyly qandaı tıimdi ıpotekalyq baǵdarlama arqyly úı alýǵa bolady

Búginde bankter usynatyn ıpotekaǵa tikeleı qurylys kompanııalarynan jáne qoldanystaǵy turǵyn úılerden baspana satyp alýǵa bolady
Qazaqstandaǵy ıpoteka naryǵynda biraz ózgeris boldy. Byltyr «Nurly jer» memlekettik baǵdarlamasyn jaýyp tastady. Onyń ornyna turǵyn úı-kommýnaldyq ınfraqurylymdy damytýdyń 2023-2029 jyldarǵa arnalǵan tujyrymdamasy iske qosyldy. Sonyń aıasynda áleýmettik ıpoteka jańa ádispen berile bastady. Al kelesi aıda taǵy bir ıpotekalyq baǵdarlama iske qosylady. Qazaqstan 2024 jyly baspanany tıimdi ıpotekany rásimdeý sharttaryn zerdelep shyqty.
Bankterdiń ıpotekasy tıimdi me
Búginde bankter usynatyn ıpotekaǵa tikeleı qurylys kompanııalarynan jáne qoldanystaǵy turǵyn úılerden baspana satyp alýǵa bolady. Al ondaı ıpotekanyń jyldyq paıyzdyq mólsherlemesi 18 proentten bastalady. Budan bólek, qaryzdy rásimdeý úshin komıssııa da alýy múmkin.
Bastapqy jarnasyz ıpoteka alý úshin jyljymaıtyn múlikti kepilge qoıý kerek. Basqa bireýdiń atyndaǵy páter nemese jeke úı de kepilzatqa qabyldana beredi. Sosyn úıdiń lokaııasyna shekteý joq. Máselen, ıpoteka Astanadaǵy páterge rásimdelse, kepilzatqa Qazaqstannyń basqa aımaǵyndaǵy baspanany usynýǵa bolady. Biraq úıdiń baǵasy ıpoteka somasynyń 20 proentinen kem bolmaýy kerek.
Ipotekanyń shekti somasy 100 mıllıon teńgege deıin barady. Al mólsherlemesi ıpotekanyń merzimine qaraı esepteledi. Ipoteka uzaq ýaqytqa rásimdelse, mólsherlemesi joǵary bolady. Biraq qaryz alýshynyń jasy 60-tan aspaýy shart.
Qurylys kompanııalarynyń usynysy qandaı
Qazirgi kezde qurylys kompanııalary da salynyp jatqan jáne daıyn turǵyn úılerden páterdi san alýan sharttarmen satyp alýǵa múmkindik beredi. Máselen, Astanada keıbir iri kompanııalar 20 proenttik alǵashqy jarnamen úıdi rásimdeıdi. Al qalǵan somany 6-240 aıda jabý kerek. Tólemdi jasaý merzimi uzarǵan saıyn proenttik mólsherleme ósedi. Máselen, salynyp jatqan úıge qaryzdyń mólsherlemesi 4,6 proentten bastalady.
12 aı – 4,6 proent;
13-24 aı — 11 proent;
25-36 aı – 14 proent;
37-60 aı – 16,5 proent;
61-120 aı – 18,5 proent;
121-180 aı – 19 proent;
181-19,5 aı – 19,5 proent;
Biraq jyldyq syıaqy mólsherlemesi sál joǵary bolady. Kepilge satyp alynatyn úıdiń ózi qoıylady.
7-20-25
Qazaqstanda bir ǵana jeńildetilgen ıpotekalyq baǵdarlama bar. Ol – «7-20-25». Oǵan sáıkes, 7 proenttik kredıtti 20 proent alǵashqy jarnamen 25 jylǵa alýǵa bolady.
Baǵdarlama talaptary:
ótinim bergen adamnyń basqa baspanasy bolmaýy kerek;
ıpoteka tek jańadan salynǵan úılerge beriledi, qujaty da bolýy shart;
baspananyń baǵasy shekti somadan aspaýy tıis (Astana, Almaty, Aqtaý, Atyraý men Shymkentte – 25 mıllıon teńge, Qaraǵandy men Túrkistanda – 20 mıllıon, basqa aımaqtarda 15 mıllıon teńge);
7 proenttik ıpotekany bir ret qana alýǵa bolady.
Byltyrdan bastap bul baǵdarlamaǵa toqsan saıyn 100 mıllıard teńgeden bólýge sheshim qabyldandy. Al lımıt tez taýsylyp qalady. Biraq ulttyq bank óz sheshimin ózgertpeıdi. Sebebi baǵdarlamanyń aqshasyn birden bólip berse, baspana naryǵynda suranys kúrt kóteriledi. Saldarynan baǵa ósip ketedi.
Qandaı jeńildetilgen ıpotekalyq baǵdarlamalar bar
Búginde jeńildetilgen ıpotekany tek Otbasy bankinde rásimdeýge bolady. Biraq ony alý úshin tıisti sharttardy oryndaý kerek.
Otbasy bankte birneshe ıpotekalyq baǵdarlama bar. Olar – «О́z úıim», «Umaı». О́ńirlik baǵdarlamalar da bar.
Máselen, «О́z úıim» barlyq salymshyǵa arnalǵan. Onymen 3,5 proenttik ıpoteka alýǵa bolady. Biraq úsh jyldyń ishinde úıdi satyp alýǵa qajetti qarajattyń 50 proentin jınaý kerek. Budan bólek, arnaıy baǵalaý júıesi bar. Baǵalaý kórsetkishi jyl saıynǵy syıaqy kólemimen esepteledi. Esepshotta neǵurlym kóp aqsha bolsa, kórsetkish te soǵurlym joǵary bolady. Talap boıynsha baǵalaý kórsetkishi (OP) 16 upaı bolýy qajet.
Degenmen 20 proenttik bastapqy jarnany salyp, aldyn ala zaım alýǵa múmkindik bar. Qalǵan aqshany bank beredi. Biraq nesıe mólsherlemesi 7 proent bolady. Birden 50 proentin quıǵanda aralyq zaım beriledi. Onyń mólsherlemesi de 7%. Biraq úsh jyldan keıin 5 proentke deıin túsedi. Ipoteka merzimi: 6 aı – 25 jyl.
«Umaı» ıpotekasy
«Umaı» ıpotekalyq baǵdarlamasy áıelderge arnalǵan. Onymen 30 mıllıon teńgege deıin nesıe alýǵa bolady. Negizgi sharttary:
Nesıe mólsherlemesi — 13,5% (syıaqynyń jyldyq tıimdi mólsherlemesi 14,5%-ten bastap), keıin 5%-ke deıin (syıaqynyń jyldyq tıimdi mólsherlemesi — 5,2%-ten bastap) tómendetiledi;
Qaryz alý merzimi — 6 aı — 25 jyl aralyǵy.
Turǵyn úı tańdaý jaǵynan shekteý joq. Biraq qaryz alýshynyń aı saıynǵy otbasylyq tabysy 550 000 teńgeden aspaýy kerek. Al otbasynyń ortaq kirisi aıyna 550 001 teńgeden 630 000 teńgege deıingi aralyqta bolsa, turǵyn úı 20 proenttik alǵashqy jarnamen beriledi. Sondaı-aq, osy baǵdarlama boıynsha baspanany jóndeý jumystaryna da 3,7 mıllıon teńgege deıingi qaryz alý múmkindigi qarastyrylǵan.
Elorda jastaryna arnalǵan baǵdarlama
Búginde astanalyq jastarǵan arnalǵan «Elorda Jastary» turǵyn úı baǵdarlamasy bar. Oǵan medıına, pedagogıka, mádenıet, áleýmettik sala, kommýnaldyq kásiporyndar, polıııa, tótenshe jaǵdaı qyzmeti, jýrnalıster, jattyqtyrýshylar men sportshylar qatysa alady.
Baǵdarlama qatysýshysy «Otbasy banktiń» salymshysy bolýy tıis. Al esepshotynda, kem degende, 1,8 mıllıon teńge bolýy kerek. 35 jasqa deıingi (35 jasty qosa alǵanda) azamattardyń qujattary qabyldanady.
Baǵdarlamasynyń negizgi sharttary:
Qaryz somasy 18 mln teńgege deıin;
Jyldyq mólsherlemesi — 5% ;
Bastapqy jarna 10%;
Nesıeleý merzimi 25 jylǵa deıin.
«QTK» AQ kepildigi bolǵan jaǵdaıda bastapqy/qaıtalama naryqtardaǵy paıdalanýǵa berilgen turǵyn úı ne úlestik qatysý sharty boıynsha salynyp jatqan turǵyn úıdi rásimdeýge ruqsat bar. Qazirgi kezde jumys isteıtin jastarǵa arnalǵan ıpotekalyq baǵdarlamalar basqa aımaqtarda da qolǵa alyndy.
9-20-25
Kelesi aıdan bastap Qazaqstanda «9-20-25» ıpotekalyq baǵdarlamasy iske qosylady. Ony da Otbasy banki arqyly rásimdeıdi.
Osy baǵdarlamaǵy respýblıkalyq bıýdjet pen Otbasy bankten aqsha bólinedi. Sonyń aıasynda qazaqstandyqtar 9 proentpen 25 jylǵa jeńildetilgen ıpoteka rásimdeı alady. Bastapqy jarna – 20%.
О́tinim berýshiniń atynda sońǵy bes jylda úı bolmaýy shart. Otbasy bankiniń basshysy Lıazzat Ibragımovanyń aıtýynsha, jumys isteıtin jastarǵa basymdyq beriledi. Ipoteka daıyn úıge jáne salynyp jatqan páterlerge rásimdeledi. Josparǵa sáıkes, bir jylda 8 myń adam jańa ıpotekany ala alady.
Kezekte turǵandarǵa áleýmettik ıpoteka qalaı beriledi
Byltyrdan bastap turǵyn úı-kommýnaldyq ınfraqurylymdy damytýdyń 2023-2029 jyldarǵa arnalǵan tujyrymdamasy aıasynda jergilikti atqarýshy organdarda baspana kezeginde turǵan azamattarǵa áleýmettik ıpoteka jańa ádispen beriledi.
Áleýmettik ıpotekanyń sharttary:
Alǵashqy jarna — 10%;
Mólsherlemesi – 2-5%;
Nesıe merzimi — 20 jylǵa deıin.
2 proenttik ıpoteka birneshe sanatqa beriledi:
1. I jáne II-shi toptaǵy múgedekter;
2.múmkindigi shekteýli balalary bar nemese olardy tárbıelep otyrǵan otbasylar;
3.jetim balalar men ata-anasynyń qamqorlyǵynsyz qalǵan balalar;
4. «Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, sondaı-aq I jáne II dárejeli «Ana dańqy» ordenderimen marapattalǵan kópbalaly otbasylar, kópbalaly analar.
Barlyq sanat boıynsha kiriske shekteý qoıylmaıdy. Kredıttiń eń joǵarǵy somasy da shektelmeıdi. Áleýmettik páterdiń maksımaldy aýdany 80 sharshy metrden aspaýy kerek.
Memlekettik baǵdarlamaǵa qatysý týraly ótinim otbasybank.kz portalynda árbir adamnyń turǵylyqty jeri boıynsha ǵana qabyldanady.
Úı alýǵa aqshasy joq adamdar ne isteıdi
Búginde ákimdiktiń baspana kezeginde turǵandarǵa jaldamaly páterler beriledi. Ondaı baspananyń aı saıynǵy tólemi kóp emes. Páterdi jalǵa alǵan adam kommýnaldyq shyǵyndardy da tóleıdi.
Búginde jaldamaly úıge qatysty taǵy bir baǵdarlama bar. Oǵan sáıkes, jalǵa alynǵan úıdiń jartysy memleket esebinen óteledi. Osy baǵdarlamaǵa áleýmettik jaǵdaıy tómen azamattar ǵana qatysa alady. Olar:
kópbalaly otbasylar;
I jáne II toptaǵy múgedekter;
múgedek balalar jáne ata-ana qamqorlyǵynsyz qalǵan balalar.
Al negizgi talaptardyń biri – otbasynyń árbir múshesine shaqqanda tabystyń kólemi eń tómengi kúnkóris deńgeıiniń (36 018 teńge) 1 eselengen shamasynan aspaýy kerek. Máselen, úıde tórt adam bolsa, otbasynyń bir aılyq jalpy tabysy 144 072 teńgeden (36 018×4) artyq bolmaýy shart. О́tinimder Otbasy bankinde qabyldanady.