جاڭالىقتار
2024 جىلى «كاسپي» بيرجاسىنداعى مامىلەلەر كولەمى 746 ميلليون دوللارعا جەتتى
فوتو: رومان يانيۆ
مينسكىدە 9-12 ماۋسىم ارالىعىندا وتكەن حالىقارالىق بيرجالار قاۋىمداستىعىنىڭ (حبق) مەرەيتويلىق جينالىسى اياسىندا «كاسپي» تاۋار بيرجاسى 2024 جىلعى ءوز قىزمەتىنىڭ قورىتىندىلارىن ۇسىندى, دەپ جازدى qandastar.kz
ەسەپ ينفراقۇرىلىمدى تسيفرلاندىرۋدىڭ جالعاسۋى اياسىندا نەگىزگى باعىتتاردىڭ ۇدەمەلى دامۋىن, نارىقتىق پوزيتسيالاردىڭ نىعايۋىن جانە ساۋدا كولەمدەرىنىڭ ءوسۋىن كورسەتتى.
ءتيىستى كورسەتكىشتەر مۇناي ونىمدەرى مەن كومىردەن سۇيىتىلعان گاز بەن تسەمەنتكە دەيىنگى ساۋدانىڭ ستراتەگيالىق ماڭىزدى سەكتورلارىنداعى تۇراقتى سەرپىندى كورسەتەدى.
بيرجالىق مامىلەلەردىڭ جالپى كولەمى 2024 جىلى $746 ملن قۇرادى, ونىڭ $617,6 ملن شيكىزات, $75,4 ملن — ماتەريالدار, $43,6 ملن — جابدىق, $3,4 ملن — تەحنيكا جانە $6 ملن — وزگە دە ساناتتار.
جىل قورىتىندىسى بويىنشا, بيرجا 12 962 مامىلەنى تىركەدى, ال جەتكىزۋشىلەردىڭ جالپى سانى 687 قۇرادى.
باياندامادا نەگىزگى تاۋار سەكتسيالارى بويىنشا ساۋدا-ساتتىق قورىتىندىلارى ۇسىنىلدى. ەڭ ۇلكەن كولەم $248,3 ملن مۇناي ونىمدەرىنە — بيتۋم, بەنزين, ديزەل جانە اۆياتسيالىق (رەاكتيۆتى) وتىنعا تيەسىلى.
بيرجالىق تاۋارلارمەن (ونىڭ ىشىندە كومىر, تسەمەنت, اۋىل شارۋاشىلىعى ونىمدەرى جانە ت. ب.) ساۋدا كولەمى $185,6 ملن قۇرادى.
جەر قويناۋىن پايدالانۋشىلار ءۇشىن تاۋارلاردى ساتىپ الۋ ساناتىنداعى بيرجالىق مامىلەلەر (ونىڭ ىشىندە قاتتى پايدالى قازبالار, كومىرسۋتەك شيكىزاتى بويىنشا) $264,3 ملن-عا باعالانادى.
ءوتىمدى ەمەس م ۇلىك پەن نەگىزگى قۇرالداردى (عيماراتتاردى, قۇرىلىستاردى, جەر ۋچاسكەلەرىن قوسپاعاندا) ساتۋ شەڭبەرىندەگى بيرجالىق مامىلەلەر كولەمى $2,8 ملن قۇرادى.
بيرجانىڭ 2024 جىلعى نەگىزگى جەتىستىكتەرىنىڭ قاتارىندا ساۋدا-ساتتىقتىڭ يكەمدىلىگى مەن اشىقتىعىن جاقسارتقان قوسارلانعان قارسى اۋكتسيون رەجيمىندە باعدارلامالىق-تەحنيكالىق پلاتفورمانىڭ جاڭارتىلعان ءمودۋلىن ەنگىزۋ (trade.ccx.kz) بار.
وتكەن جىلى بيرجا جارعىلىق كاپيتالدى 2,5 ملرد تەڭگەگە (~5 ملن) دەيىن ۇلعايتۋ جولىمەن كاپيتالداندىرۋدى جۇرگىزدى.
بۇدان باسقا, بيرجا S&P Global اگەنتتىگىنىڭ (پروتسەنتيل – 87/100) حالىقارالىق ESG باعالاۋىنان ءوتتى جانە ەكولوگيالىق اسەردى ەسەپكە الۋ بويىنشا جۇمىستى جالعاستىردى, ونىڭ ناتيجەلەرى 2022 جانە 2023 جىلدارداعى كومىرتەگى ءىزى تۋرالى ەسەپتە كورىنىس تاپتى.
2024 جىلى «كاسپي» بيرجاسىنىڭ كومانداسى العاش رەت تۇراقتى دامۋ تۋرالى جاريا ەسەپتى ۇسىندى. قۇجات كورپوراتيۆتىك جاۋاپكەرشىلىك, قورشاعان ورتانى قورعاۋ, پروتسەستەردىڭ اشىقتىعى جانە ەڭبەك جاعدايلارى ماسەلەلەرىن قوسا العاندا, بيرجانىڭ تۇراقتى دامۋ سالاسىنداعى ستراتەگياسىن بەلگىلەيدى. ەسەپ ساۋدا-ساتتىققا قاتىسۋشىلار, سەرىكتەستەر جانە رەتتەۋشى ورگاندار ءۇشىن ماڭىزدى تۇراقتى دامۋدىڭ ساندىق جانە ساپالىق كورسەتكىشتەرىن اشادى.
جاريالانعان مالىمەتتەرگە سايكەس, الاڭداعى ساۋدا-ساتتىقتىڭ ورتاشا تاۋلىكتىك كولەمى 1,2 ملرد تەڭگەگە جەتتى, ايەلدەر ۇجىمنىڭ ۇشتەن ءبىرىن قۇرايدى, ديرەكتورلار كەڭەسى قۇرامىنىڭ 66%-ى تاۋەلسىز مۇشەلەر, ال ءاربىر قىزمەتكەر جىلىنا ورتا ەسەپپەن 56 ساعات وقۋدان ءوتتى.
بۇل رەتتە بىردە-ءبىر سىبايلاس جەمقورلىق قۇقىقبۇزۋشىلىق نەمەسە اقپاراتتىق قاۋىپسىزدىككە قاتىستى كەلەڭسىز وقيعا انىقتالعان جوق. LTIFR كوەففيتسيەنتى (ۋاقىتشا ەڭبەككە جارامسىزدىعى بار جاراقات جيىلىگىنىڭ كورسەتكىشى) دە نولگە تەڭ بولدى.
2024 جىلى «كاسپي» تاۋار بيرجاسى» اق» «اتامەكەن» ۇكپ جانىنداعى تۇراقتى دامۋ جانە ESG جونىندەگى كەڭەستىڭ قۇرامىنا كىردى, وعان جەكە جانە كۆازيمەملەكەتتىك سەكتورلاردىڭ, ۇلتتىق حولدينگتەر مەن دامۋ ينستيتۋتتارىنىڭ, ونەركاسىپتىك كاسىپورىنداردىڭ, قاۋىمداستىقتاردىڭ, حالىقارالىق كومپانيالاردىڭ, ساراپتامالىق بىرلەستىكتەر مەن كونسالتينگتىك كومپانيالاردىڭ, قارجى سەكتورىنىڭ جانە دەپۋتاتتىق كورپۋستىڭ وكىلدەرى كىرەدى.
سونىمەن قاتار «كاسپي» تاۋار بيرجاسى ەۋروپالىق ەنەرگەتيكالىق بيرجالار قاۋىمداستىعىنا (EUROPEX) قاۋىمداستىرىلعان مۇشە رەتىندە قوسىلىپ, بىرىككەن ۇلتتار ۇيىمىنىڭ (UN Global Compact) جاھاندىق شارتىنىڭ تولىققاندى قاتىسۋشىسى بولدى.
«ءبىز ءۇشىن ساۋدا-ساتتىقتىڭ ءوسۋىن قامتاماسىز ەتۋ عانا ەمەس, سونىمەن قاتار حالىقارالىق ستاندارتتار دەڭگەيىندە بيرجالىق ينفراقۇرىلىمدى دامىتۋ دا وتە ماڭىزدى. ءبىز تەحنولوگيالارعا ينۆەستيتسيا سالۋدى جالعاستىرامىز, پروتسەستەردىڭ اشىقتىعىن كۇشەيتەمىز جانە تۇراقتى, باسەكەگە قابىلەتتى ساۋدا ورتاسىن قالىپتاستىرۋعا ۇمتىلامىز», – دەپ اتاپ ءوتتى «كاسپي» تاۋار بيرجاسى» اق پرەزيدەنتى مۇرات قاديسوۆ.
«كاسپي» بيرجاسىنىڭ باسشىسى سونداي-اق 2024 جىلى CSR ستراتەگياسىن ىسكە اسىرۋ شەڭبەرىندە مۇقتاج وتباسىلارىنا قىسقى كەزەڭ قارساڭىندا ازىق-ت ۇلىك سەبەتتەرى مەن وتىن تۇرىندە قايىرىمدىلىق كومەك كورسەتىلگەنىنە نازار اۋداردى. سونىمەن قاتار «كاسپي» كومانداسى 2014 جىلدان بەرى قولداپ كەلە جاتقان دزيۋدوشى اقمارال ناۋاتبەكتى پاريجدەگى پاراليمپيادا ويىندارىنداعى جەڭىسىمەن قۇتتىقتادى.
قاۋىمداستىقتىڭ جىل سايىنعى جينالىسىنىڭ باعدارلاماسى حبق-نىڭ 25 جىلدىعىنا جانە بەلارۋس امبەباپ تاۋار بيرجاسىنىڭ 20 جىلدىعىنا ورايلاستىرىلعانىن ايتا كەتەيىك. جينالىس تسيفرلىق ترانسفورماتسيا مەن اشىقتىقتى ارتتىرۋدان باستاپ تاۋار, قور جانە ۆاليۋتا نارىقتارىن دامىتۋدىڭ ستراتەگيالىق باعىتتارىنا دەيىنگى قازىرگى ەكونوميكاداعى بيرجالاردىڭ ءرولىن تالقىلاۋعا ارنالعان كەڭىستىك بولىپ سانالادى.
انىقتاما:
حالىقارالىق بيرجالار قاۋىمداستىعى (حبق) ماسكەۋدە 2000 جىلدىڭ ساۋىرىندە حالىقارالىق ستاندارتتارعا سايكەس ۇيىمداستىرىلعان قارجى نارىقتارىن دامىتۋ بويىنشا كۇش-جىگەردى ۇيلەستىرۋ ماقساتىندا قۇرىلدى.
حبق قۇرامىنا ءوزارا قارجىلىق اينالىمعا, ۆاليۋتامەن, مەملەكەتتىك جانە كورپوراتيۆتىك باعالى قاعازدارمەن وپەراتسيالارعا قىزمەت كورسەتۋدە شەشۋشى ءرول اتقاراتىن دوستاستىقتىڭ 10 ەلىنەن 20 ۇيىم كىرەدى.
«بەلارۋس امبەباپ تاۋار بيرجاسى» ااق – اشىق جانە باسەكەگە قابىلەتتى ساۋدا ورتاسىن قامتاماسىز ەتۋ ءۇشىن قۇرىلعان شىعىس ەۋروپاداعى ەڭ ءىرى تاۋار بيرجالارىنىڭ ءبىرى. بيرجا حالىقارالىق قاتىسۋشىلاردىڭ بەلارۋس نارىعىنا قول جەتكىزۋىن جەڭىلدەتە وتىرىپ, ەكسپورتتىق-يمپورتتىق وپەراتسيالاردى بەلسەندى دامىتۋدا. بۇل شىعىس ەۋروپاداعى ەڭ ءىرى سپوت-بيرجا. جىل سايىن ءباتب-دا 4 ملرد USD استام سوماعا 500 مىڭنان استام مامىلە جاسالادى, ال كليەنتتىك بازادا 35 500-دەن استام كليەنت بار.
«كاسپي» تاۋار بيرجاسى» اق – مۇناي ونىمدەرىن, كومىر مەن تسەمەنتتى قوسا العاندا, تاۋارلاردىڭ كەڭ سپەكترىمەن ساۋدا جاساۋعا ماماندانعان قازاقستاننىڭ جەتەكشى بيرجالىق الاڭى. «كاسپي» تاۋار بيرجاسى» اق ەنەرگەتيكالىق بيرجالاردىڭ ەۋروپالىق قاۋىمداستىعىنا (EUROPEX) قاۋىمداستىرىلعان مۇشە رەتىندە كىرەدى. S&P Global حالىقارالىق رەيتينگ اگەنتتىگىنىڭ ەڭ جوعارى ESG-باعاسىنا يە.
بۇۇ – جاھاندىق شارتىنىڭ تولىققاندى قاتىسۋشىسى بولعان تمد اۋماعىنداعى العاشقى بيرجالىق الاڭ. سونداي-اق «كاسپي» KASE – قازاقستان قور بيرجاسىنىڭ رەسمي ليستينگىنە ەنگىزىلگەن ەلدەگى جالعىز تاۋار بيرجاسى.
