2025 jyldan bastap kimderdiń mobıldi aýdarymdary qadaǵalanady?

Foto: depositphotos.com

Bıyl jyl basynan bastap qazaqstandyqtardyń mobıldi aýdarymdaryna qatań baqylaý engizildi. Bul kásipkerlerdi óz isin adal júrgizýge úıretti. Al 2025 jyly kimderdiń mobıldi aýdarymdary tekseriledi? Bul suraqqa Memlekettik kirister komıteti jaýap bergen bolatyn. Massaget.kz tilshisi túsindiredi.

Kimderdiń mobıldi aýdarymdary baqylaýda?

Komıtet málimetinshe, barlyq Qazaqstan azamatynyń mobıldi aýdarymdary qatań baqylaýǵa alynbaıdy. Monıtorıng úsh aı ishinde aı saıyn 100 jáne odan da kóp túrli jóneltýshilerden qarajat túsetin shottar boıynsha júrgiziletinin naqtylady. Bul kásipkerlik qyzmettiń belgisi bolyp sanalady.

«Tek qolma-qol aqshasyz esep aıyrysý boıynsha jumys isteıtin kásipkerler baqylaý salasynan shyǵarylady».

Mobıldi aýdarymdardy tek jeke maqsatta paıdalanatyn jeke tulǵalar úshin shekteýler joq.

Aıta keteıik, buzýshylyqtar anyqtalǵan jaǵdaıda aıyppuldardan (15-ten 50 AEK-ke deıin) dara kásipker (JK) retinde mindetti tirkeýge deıin sharalar qabyldanady. Mysaly, jyldyq tabysy 12 eń tómengi jalaqydan asatyn jeke tulǵalar Kásipkerlik Kodekske sáıkes jeke kásipkerdi tirkeýge mindetti.

2025 jylǵa jospar

MKK 2023 jyldan bastap bankterden memlekettik qyzmetkerler men olardyń jubaılarynyń aýdarymdaryn, al bıyldan bastap – kvazımemlekettik sektor qyzmetkerleriniń aýdarymdary týraly derekterdi ala bastady. 2025-2026 jyldarǵa qaraı monıtorıng júıesine JK, zańdy tulǵalardyń basshylary men qalǵan halyqty qosý josparlanǵan.

«Kóptegen kásipker qazir salyq mindettemelerin adal oryndaý áldeqaıda tıimdi ekenin túsindi. Mobıldi aýdarymdarǵa baqylaý engizilgennen keıin kóptegen adam QR-kodtardy nemese bank termınaldaryn qoldana bastady», – dep habarlady MKK.

Sonymen qatar MKK úsh eń tómengi jalaqydan asatyn aýdarymdar somasyna lımıt engizý arqyly baqylaý krıterıılerin tolyqtyrýdy josparlap otyrǵanyn habarlady. Bul jasyryn kásipkerlik qyzmetti anyqtaýǵa múmkindik bermek.

Eske salaıyq, qazaqstandyq azamattardyń mobıldik aýdarymdary 2024 jyldyń basynan beri tekseriledi.