Qarjy jáne tólemder
2025 jyly eń tómengi jalaqy óse me?
Foto: ashyq derekkóz
Medıandyq eńbekaqy men eń tómengi jalaqy kórsetkishterin salystyrsaq 34% aıyrmashylyq bar.
Keler jyly Qazaqstanda eń tómengi jalaqy mólsheri óse me? Bul máselege qatysty suraqtarǵa Eńbek jáne halyqty áleýmettik qorǵaý mınıstri Svetlana Jaqypova jaýap berdi, dep habarlaıdy qandastar.kz Skifnews.kz aqparat portalyna silteme jasap.
«Búginde elimizde eń tómengi jalaqy 85 000 teńge. Keler jyly osy 85 myń teńge kóleminde qalady. Biz eń tómengi jalaqyny taǵaıyndaý ádistemesin ázirledik. Ol boıynsha jańa eńbek ónimi men medıandyq jalaqyny biriktirdik. Medıandyq eńbekaqy men eń tómengi jalaqy kórsetkishterin salystyrsaq 34% aıyrmashylyq bar. Biz endi ár jumysshynyń eńbek táýekelderi kartasyn jasap, jumys berýshilermen birlesip qarastyramyz. Árıne, jumys berýshi men jumysshy arasynda kelisimshart jasalady, ol eńbek kodeksine negizdeledi. Biraq, bıznes salasyndaǵy keıbir jumysshylardyń medıandyq eńbekaqy men eń tómengi jalaqy kórsetkishteri 9%-ǵa jetpeıdi», – dedi Svetlana Jaqypova Úkimet otyrysynan keıin ótken baspasóz máslıhatynda.
Osylaısha mınıstr medıandyq jáne eń tómengi jalaqy arasyndaǵy aıyrmashylyqty 9%-dan 34%-ǵa arttyrý jospary baryn aıtty.
