جاڭالىقتار
2026 جىلى ەلىمىزدە ۇشاتىن تاكسي پايدا بولماق
كەلەسى جىلى قازاقستاندا ۇشاتىن تاكسي پايدا بولماق. كولىك مينيسترلىگى ارنايى جۇمىس توبىن قۇرىپ, اەروموبيلدىڭ قوناتىن الاڭى مەن باسقارۋ جۇيەلەرىن ازىرلەپ جاتىر, دەپ حابارلايدى Qandastar.kz اقپاراتتىق پورتالى ينفورمبيۋرو باعدارلاماسىنا سىلتەمە جاساپ.
كولىك مينيسترلىگى ازاماتتىق اۆياتسيا كوميتەتى باسقارماسىنىڭ باسشىسى ارمان كەتەباەۆتىڭ ايتۋىنشا, قازىر قالالىق اۋە ۇتقىرلىعىن دامىتۋ جونىندە جۇمىس توبى قۇرىلدى.
«قازىر اۋە كەمەسىنىڭ ءبىزدىڭ كليماتتىق جاعدايىمىزعا قالاي توتەپ بەرەتىنى سياقتى ماسەلەلەر تالقىلانىپ جاتىر. الداعى ۋاقىتتا شەتەلدىك Joby Aviation كومپانياسىمەن مەموراندۋمعا وتىرۋ جوسپارلانعان. قول قويىلعاننان كەيىن دەمونستراتسيالىق ۇشۋلاردى ورىنداۋ جانە ۇشۋ-قونۋ الاڭدارىن سالۋدى باستايمىز», – دەيدى كەتەباەۆ.
ال ۋربانيست ءاليحان كوشەرباەۆ مينيسترلىكتىڭ بۇل باستاماسىن قولداي قويمادى. ونىڭ سوزىنشە, بىرىنشىدەن ەلىمىزدە بۇنداي كولىكتەردىڭ پايدا بولۋى قانداي دا ءبىر كەپتەلىستى ازايتىپ, ەكولوگيانى تازارتۋعا كومەكتەسپەيدى. ەكىنشىدەن, وعان مىنەتىن جولاۋشىلار دا كوپ بولماۋى مۇمكىن.
«ۇشاتىن كولىككە تولەيتىن حالقىمىز از دەپ ويلايمىن ءوزىم. نەگىزى وسىنداي جوبالار ءتۇرلى قالالاردا بار. مىسالى, گونكونگتا بار, ول جەر الەم بويىنشا ءۇشىنشى فينانسوۆىي استاناسى. ال, قازاقستاندا وسىنداي ۇلكەن بيزنەستەگى كاسىپكەرلەر جوق. نەگىزى قالانىڭ پروەكتتەرى كوپشىلىككە, قاراپايىم جاندارعا ارنالۋ كەرەك», –دەيدى كوشەرباەۆ.
ايتا كەتەيىك, ۇشاق الدىمەن جاڭادان قۇرىلعان الاتاۋ قالاسىندا سىناقتان وتكىزىلەدى. قازىر وندا اەروتاكسيدىڭ ۇشۋ-قونۋ الاڭى ازىرلەنىپ, دايىندالىپ جاتىر. جوسپار وڭىنان ىسكە اسسا ۇشاتىن تاكسي الاتاۋ-الماتى قالالارىمەن قوسا, الماتى وبلىسىنىڭ بارلىق ءوڭىرىن قامتيتىن بولادى.
