2026 jyly elimizde ushatyn taksı paıda bolmaq

Kelesi jyly Qazaqstanda ushatyn taksı paıda bolmaq. Kólik mınıstrligi arnaıy jumys tobyn quryp, aeromobıldiń qonatyn alańy men basqarý júıelerin ázirlep jatyr, dep habarlaıdy Qandastar.kz aqparattyq portaly Informbıýro baǵdarlamasyna silteme jasap.

Kólik mınıstrligi azamattyq avıaııa komıteti basqarmasynyń basshysy Arman Ketebaevtyń aıtýynsha, qazir qalalyq áýe utqyrlyǵyn damytý jóninde jumys toby quryldy.

«Qazir áýe kemesiniń bizdiń klımattyq jaǵdaıymyzǵa qalaı tótep beretini sııaqty máseleler talqylanyp jatyr. Aldaǵy ýaqytta sheteldik Joby Aviation kompanııasymen Memorandýmǵa otyrý josparlanǵan. Qol qoıylǵannan keıin demonstraııalyq ushýlardy oryndaý jáne ushý-qoný alańdaryn salýdy bastaımyz», – deıdi Ketebaev.

Al ýrbanıst Álıhan Kósherbaev mınıstrliktiń bul bastamasyn qoldaı qoımady. Onyń sózinshe, birinshiden elimizde bundaı kólikterdiń paıda bolýy qandaı da bir keptelisti azaıtyp, ekologııany tazartýǵa kómektespeıdi. Ekinshiden, oǵan minetin jolaýshylar da kóp bolmaýy múmkin.

«Ushatyn kólikke tóleıtin halqymyz az dep oılaımyn ózim. Negizi osyndaı jobalar túrli qalalarda bar. Mysaly, Gonkongta bar, ol jer álem boıynsha úshinshi fınansovyı astanasy. Al, Qazaqstanda osyndaı úlken bıznestegi kásipkerler joq. Negizi qalanyń proekttery kópshilikke, qarapaıym jandarǵa arnalý kerek», –deıdi Kósherbaev.

Aıta keteıik, ushaq aldymen jańadan qurylǵan Alataý qalasynda synaqtan ótkiziledi. Qazir onda aerotaksıdiń ushý-qoný alańy ázirlenip, daıyndalyp jatyr. Jospar ońynan iske assa ushatyn taksı Alataý-Almaty qalalarymen qosa, Almaty oblysynyń barlyq óńirin qamtıtyn bolady.