2028 جىلى وتەتىن وليمپيادا ويىندارىنا جاڭا سپورت تۇرلەرى قوسىلدى

حالىقارالىق وليمپيادالىق كوميتەتىنىڭ اتقارۋشى كوميتەتى لوس-انجەلەستە وتەتىن 2028 جىلعى وليمپيادا ويىندارىنىڭ جارىس باعدارلاماسى مەن سپورتشىلارعا ارنالعان جولداما سانىن بەكىتتى, دەپ حابارلادى qandastar.kz

2028 جىلعى وليمپيادا باعدارلاماسىنا 351 ديستسيپلينا ەندى. بۇل 2024 جىلعى پاريج وليمپياداسىمەن سالىستىرعاندا 22-گە ارتىق.

سونداي-اق 5 جاڭا سپورت ءتۇرى قوسىلادى:

• بەيسبول/سوفتبول
• كريكەت
• فلاگ-فۋتبول
• لاكروسس
• سكۆوش

2028 جىلعى وليمپيادا باعدارلاماسىن قالىپتاستىرۋ كەزىندە حالىقارالىق فەدەراتسيالاردىڭ وتىنىمدەرى مەن 2023 جىلى حوك بەكىتكەن قاعيدالار نەگىزىندە كوميسسيانىڭ ۇسىنىستارى ەسكەرىلدى. بۇل قاعيدالار قاتارىنا گەندەرلىك تەڭدىك, كورەرمەن ءۇشىن تارتىمدىلىق, شىعىنداردى باقىلاۋ جانە سپورتشىلاردىڭ جەكە مۇددەسىنە باسىمدىق بەرۋ جاتادى.

بوكسقا تاعى ءبىر ايەلدەر اراسىندا سالماق دارەجەسى قوسىلدى. بۇل ەرلەر مەن ايەلدەر اراسىنداعى مەدالدىق ديستسيپلينالار مەن جولدامالار سانىن تەڭەستىردى. قازىرگى تاڭدا مەدالدار تومەندەگى سالماق دارەجەلەرىندە ساراپقا سالىندى:

ەرلەر: 55 كەلىگە دەيىن, 60 كەلى, 35 كەلى, 70 كەلى, 80 كەلى, 90 كەلى جانە 90 كەلىدەن جوعارى.

ايەلدەر: 51 كەلىگە دەيىن, 54 كەلى, 57 كەلى, 60 كەلى, 70 كەلى جانە 75 كەلى.