2028 jyly ótetin Olımpıada oıyndaryna jańa sport túrleri qosyldy

Halyqaralyq Olımpıadalyq komıtetiniń Atqarýshy komıteti Los-Anjeleste ótetin 2028 jylǵy Olımpıada oıyndarynyń jarys baǵdarlamasy men sportshylarǵa arnalǵan joldama sanyn bekitti, dep habarlady qandastar.kz

2028 jylǵy Olımpıada baǵdarlamasyna 351 dısıplına endi. Bul 2024 jylǵy Parıj Olımpıadasymen salystyrǵanda 22-ge artyq.

Sondaı-aq 5 jańa sport túri qosylady:

• Beısbol/softbol
• Krıket
• Flag-fýtbol
• Lakross
• Skvosh

2028 jylǵy Olımpıada baǵdarlamasyn qalyptastyrý kezinde halyqaralyq federaııalardyń ótinimderi men 2023 jyly HOK bekitken qaǵıdalar negizinde komıssııanyń usynystary eskerildi. Bul qaǵıdalar qataryna genderlik teńdik, kórermen úshin tartymdylyq, shyǵyndardy baqylaý jáne sportshylardyń jeke múddesine basymdyq berý jatady.

Boksqa taǵy bir áıelder arasynda salmaq dárejesi qosyldy. Bul erler men áıelder arasyndaǵy medaldyq dısıplınalar men joldamalar sanyn teńestirdi. Qazirgi tańda medaldar tómendegi salmaq dárejelerinde sarapqa salyndy:

Erler: 55 kelige deıin, 60 keli, 35 keli, 70 keli, 80 keli, 90 keli jáne 90 keliden joǵary.

Áıelder: 51 kelige deıin, 54 keli, 57 keli, 60 keli, 70 keli jáne 75 keli.