قارجى جانە تولەمدەر
2029 جىلى قازاقستاندىقتاردىڭ ورتاشا جالاقىسى جارتى ميلليون تەڭگەدەن اسا ما?
فوتو: اشىق دەرەككوز
قازاقستان حالقىنىڭ سانى 2029 جىلعا قاراي 21,3 ميلليون ادامعا جەتۋى مۇمكىن. ونىڭ ىشىندە جۇمىسپەن قامتىلعان حالىق سانى – 9,4 ميلليون ادام.
قازاقستاندىقتاردىڭ ورتاشا ايلىق جالاقىسى 2029 جىلى 573 مىڭ تەڭگەدەن اسادى. بۇل قازاقستاننىڭ 2025-2029 جىلدارعا ارنالعان الەۋمەتتىك-ەكونوميكالىق دامۋ بولجامىندا ايتىلعان, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
Stan.kz-ءتىڭ مالىمەتىنشە, ۇكىمەت قازاقستانداعى ءبىر قىزمەتكەردىڭ ورتاشا ايلىق جالاقىسى كەلەسىدەي بولادى دەيدى:
2024 جىلى – 396 مىڭ تەڭگە;
2025 جىلى – 431,6 مىڭ تەڭگە (+8,9%);
2026 جىلى – 466,9 مىڭ تەڭگە (+8,1%);
2027 جىلى – 500,7 مىڭ تەڭگە (+7,2%);
2028 جىلى – 536,3 مىڭ تەڭگە (+7,1%);
2029 جىلى – 573,7 مىڭ تەڭگە (+6,9%).
ۇلتتىق ستاتيستيكا بيۋروسىنىڭ مالىمەتىنشە, 2024 جىلدىڭ ءبىرىنشى توقسانىندا ورتاشا ايلىق جالاقى 382,2 مىڭ تەڭگە بولدى. ول قازاقستانداعى بارلىق جۇمىسشىنىڭ جالاقىسىنىڭ ورتاشا اريفمەتيكالىق ءمانى رەتىندە ەسەپتەلەدى.
2025-2029 جىلدار ارالىعىنداعى ەڭ تومەنگى جالاقى ۇكىمەتتىڭ بولجامى بويىنشا قازىرگىدەي 85 مىڭ تەڭگە بولىپ قالادى. ءومىر ءسۇرۋ مينيمۋمى 2025 جىلى 46,2 مىڭ تەڭگە, ال 2029 جىلى 56,4 مىڭ تەڭگەگە دەيىن وسەدى. تابىسى ەڭ تومەنگى كۇنكورىس دەڭگەيىنەن تومەن حالىقتىڭ ۇلەسى وسى جىلدار ىشىندە 5,3%-دان 5%-عا تومەندەيدى.
2025 جىلى ەڭ تومەنگى زەينەتاقى مولشەرى جىل سايىن شامامەن 5 مىڭ تەڭگەگە ءوسىپ, 62,7 مىڭ تەڭگە بولۋى مۇمكىن. ناتيجەسىندە 2029 جىلى ەڭ تومەنگى زەينەتاقى مولشەرى 82,6 مىڭ تەڭگە بولادى دەگەن بولجام بار.
ەڭ تومەنگى ەسەپتىك كورسەتكىش 2025 جىلعى 3,9 مىڭ تەڭگەدەن 2029 جىلعا قاراي 4,8 مىڭعا دەيىن وسەدى دەپ بولجاندى. وسى جىلدارداعى جۇمىسسىزدىق دەڭگەيى 4,7% بولادى.
قازاقستان حالقىنىڭ سانى 2029 جىلعا قاراي 21,3 ميلليون ادامعا جەتۋى مۇمكىن. ونىڭ ىشىندە جۇمىسپەن قامتىلعان حالىق سانى – 9,4 ميلليون ادام. وسى ۋاقىتقا دەيىن ءومىر ءسۇرۋ ۇزاقتىعى 77 جاسقا دەيىن ارتادى.
