2029 jyly qazaqstandyqtardyń ortasha jalaqysy jarty mıllıon teńgeden asa ma?

Foto: ashyq derekkóz

Qazaqstan halqynyń sany 2029 jylǵa qaraı 21,3 mıllıon adamǵa jetýi múmkin. Onyń ishinde jumyspen qamtylǵan halyq sany – 9,4 mıllıon adam.

Qazaqstandyqtardyń ortasha aılyq jalaqysy 2029 jyly 573 myń teńgeden asady. Bul Qazaqstannyń 2025-2029 jyldarǵa arnalǵan áleýmettik-ekonomıkalyq damý boljamynda aıtylǵan, dep habarlaıdy qandastar.kz   Skifnews.kz aqparat portalyna silteme jasap.

Stan.kz-tiń málimetinshe, Úkimet Qazaqstandaǵy bir qyzmetkerdiń ortasha aılyq jalaqysy kelesideı bolady deıdi:

2024 jyly – 396 myń teńge;

2025 jyly – 431,6 myń teńge (+8,9%);

2026 jyly – 466,9 myń teńge (+8,1%);

2027 jyly – 500,7 myń teńge (+7,2%);

2028 jyly – 536,3 myń teńge (+7,1%);

2029 jyly – 573,7 myń teńge (+6,9%).

Ulttyq statıstıka bıýrosynyń málimetinshe, 2024 jyldyń birinshi toqsanynda ortasha aılyq jalaqy 382,2 myń teńge boldy. Ol Qazaqstandaǵy barlyq jumysshynyń jalaqysynyń ortasha arıfmetıkalyq máni retinde esepteledi.

2025-2029 jyldar aralyǵyndaǵy eń tómengi jalaqy úkimettiń boljamy boıynsha qazirgideı 85 myń teńge bolyp qalady. О́mir súrý mınımýmy 2025 jyly 46,2 myń teńge, al 2029 jyly 56,4 myń teńgege deıin ósedi. Tabysy eń tómengi kúnkóris deńgeıinen tómen halyqtyń úlesi osy jyldar ishinde 5,3%-dan 5%-ǵa tómendeıdi.

2025 jyly eń tómengi zeınetaqy mólsheri jyl saıyn shamamen 5 myń teńgege ósip, 62,7 myń teńge bolýy múmkin. Nátıjesinde 2029 jyly eń tómengi zeınetaqy mólsheri 82,6 myń teńge bolady degen boljam bar.

Eń tómengi eseptik kórsetkish 2025 jylǵy 3,9 myń teńgeden 2029 jylǵa qaraı 4,8 myńǵa deıin ósedi dep boljandy. Osy jyldardaǵy jumyssyzdyq deńgeıi 4,7% bolady.

Qazaqstan halqynyń sany 2029 jylǵa qaraı 21,3 mıllıon adamǵa jetýi múmkin. Onyń ishinde jumyspen qamtylǵan halyq sany – 9,4 mıllıon adam. Osy ýaqytqa deıin ómir súrý uzaqtyǵy 77 jasqa deıin artady.