الەم جاڭالىقتارى
ترامپ اقش-تى دۇنيەجۇزىلىك دەنساۋلىق ساقتاۋ ۇيىمىنان شىعارۋعا نيەتتى
فوتو:Evan Vucci
ترامپ اقش-تى دۇنيەجۇزىلىك دەنساۋلىق ساقتاۋ ۇيىمىنان شىعارۋعا نيەتتى, دەپ جازدى qandastar.kz
20 قاڭتاردا وتەتىن يناۋگۋراتسيا كۇنى پرەزيدەنتتىڭ كومانداسى ءتيىستى شەشىمدى جاريالاۋدى جوسپارلاپ وتىر. وسىلايشا دۇنيەجۇزىلىك دەنساۋلىق ساقتاۋ ۇيىمى ەڭ ءىرى قارجىلاندىرۋ كوزىنەن ايىرىلۋى ابدەن مۇمكىن. بۇل تۋرالى The Financial Times جازدى. ساراپشىلار مۇنداي قادامنىڭ سالدارى قيىن بولادى دەپ وتىر.
atamekenbusiness_qaz حابارلاعانداي, ولاردىڭ پىكىرىنشە, اقش ۇيىمنان كەتكەن جاعدايدا, ەۋروپا ەلدەرىنىڭ قارجىلاندىرۋ ۇلەسىن ارتتىرۋى ەكىتالاي, ال قىتاي ءوز ىقپالىن كۇشەيتۋگە تىرىسادى. نەگىزى اقش اتالعان ۇيىمنىڭ ەڭ ءىرى دونورى بولىپ سانالادى. 2020 جىلى دونالد ترامپ بۇل ۇيىمدى قىتايدىڭ ىعىنان شىعا الماي وتىر دەپ ايىپتاپ, سول ۋاقىتتىڭ وزىندە ودان شىعۋ باستاماسىن كوتەرگەن ەدى.
