جاڭالىقتار
ازاماتتاردىڭ جەكە دەرەگى قايدان ۇرلانعانى بەلگىلى بولدى
فوتو: اشىق دەرەككوز
ازاماتتاردىڭ جەلىگە تارالعان جەكە دەرەكتەرى رەسەيلىك كومپانيادان ۇرلانعان, دەپ جازادى qandastar.kz
تسيفرلىق دامۋ مينيسترلىگى وسىلاي دەپ وتىر. بۇل مالىمەتتەر رەسەي اۋماعىنداعى «سيرەنا ترەۆەل» اتتى كومپانيادان ۇرلانعان كورىنەدى.
«بۇل اۋە بيلەتتەرىن برونداۋ قىزمەتىن ۇسىناتىن سەرۆيس. برون ءنومىرى بويىنشا ۇشاققا ونلاين تىركەلىپ, ورىن الۋعا بولادى. ءبىزدىڭ كومپانيالار كىنالى ەمەس. ولار ءبىزدىڭ ازاماتتارىمىز سياقتى زارداپ شەكتى», – دەدى اقپاراتتىق قاۋىپسىزدىك كوميتەتىنىڭ توراعاسى رۋسلان ابدىقالىقوۆ.
قازاقستان تاراپى وسى ماسەلەگە قاتىستى «روسكومنادزورعا» حات جولداپتى. بەلگىلى بولعانداي, ازاماتتاردىڭ اتى-ءجونى مەن قۇجات ءنومىرى جەلىگە تاراپ كەتكەن. ەندى دەرەكتەرى ۇرلانعان قازاقستاندىقتاردىڭ اتى انىقتالعان سوڭ, ولارعا ەلەكتروندىق ۇكىمەت ارقىلى حابارلامالار جىبەرىلەدى.
