208 myń teńgeden asady: Arnaýly tólemdi kimder ala alatyny belgili boldy

Foto: ashyq derekkóz

2024 jylǵy 18 qyrkúıektegi jaǵdaı boıynsha 11 126 azamatqa – zııandy eńbek jaǵdaılarynda uzaq ýaqyt jumys istegen adamdarǵa arnalǵan arnaýly áleýmettik tólem (budan ári – AÁT) taǵaıyndaldy, – dep habarlaıdy qandastar.kz   Aikyn.kz.-ke silteme jasap.

Eńbek jáne halyqty áleýmettik qorǵaý mınıstrliginiń málimetinshe, atalǵan tólemdi taǵaıyndaýǵa jalpy 11 816 adam ótinish bildirgen.

Eki kózden tólenetin arnaýly áleýmettik tólemge (respýblıkalyq bıýdjet jáne Biryńǵaı jınaqtaýshy zeınetaqy qory) 3 034 adam júgindi, onyń ishinde 2 921 adamǵa taǵaıyndaldy.

Tórt qarjylandyrý kózinen beriletin AÁT (respýblıkalyq bıýdjet, Biryńǵaı jınaqtaýshy zeınetaqy qory, jumys berýshi jáne ómirdi saqtandyrý uıymy) taǵaıyndaýǵa 8 292 adam ótinish bildirip, onyń 8 205-ine taǵaıyndalǵan.

Sondaı-aq, 450 azamat saqtandyrý kompanııasymen zeınetkerlik annýıtet shartynyń jasalýyn kútýde, 80 azamat SMS habarlamaǵa jaýap bermegen. Mindetti sharttardy oryndamaǵandyqtan, 160 ótinish berýshige AÁT taǵaıyndaýdan bas tartyldy.

О́ńirler boıynsha arnaýly áleýmettik tólemderdi alýǵa ótinish bildirgenderdiń eń kóp sany Qaraǵandy ​​(2 kózden – 524 adam, 4 kózden – 1 517 adam), Qostanaı (2 kózden – 331 adam, al 4 kózden – 1 024 adam) jáne Shyǵys Qazaqstan (2 kózden – 271 adam, al 4 kózden – 1 024 adam) oblystarynda tirkelgen.

Buryn habarlanǵandaı 2024 jyldyń 1 qańtarynan bastap Qazaqstanda zııandy eńbek jaǵdaılarynda uzaq ýaqyt jumys istegen adamdarǵa arnaýly áleýmettik tólem engizildi.

Arnaýly áleýmettik tólem taǵaıyndaý úshin 55 jasqa tolý jáne Biryńǵaı jınaqtaýshy zeınetaqy qorynda (budan ári – BJZQ) keminde 7 jyl kásiptik zeınetaqy aýdarymdarynyń bolýy mindetti sharttar bolyp tabylady. Tólem zeınetkerlik jasqa deıin tólenedi. Arnaýly áleýmettik tólemderdi alý úshin eńbek jaǵdaılary zııandy jumystarmen aınalyspaýǵa tıis. Jumyskerler jeńil jumysqa aýysa alady, sodan keıin olar jalaqy men tólem alady nemese demalysqa shyǵyp, zeınetke shyqqanǵa deıin arnaýly áleýmettik tólem alady.

BJZQ derekteri boıynsha arnaýly áleýmettik tólemdi taǵaıyndaý úshin mindetti sharttardy eskere otyryp, oǵan 2024 jyly 37 myńnan astam jumysker úmitker bola alady, jalpy tólemniń ortasha mólsheri 208 myń teńgeden asady. Árbir jumysker úshin tólem mólsheri BJZQ-daǵy jınaqtaryna baılanysty bolady.

Áleýmettik kodekske sáıkes jumys berýshiler kásipteri men qyzmet túrleri Eńbek jaǵdaılary zııandy jumystarmen aınalysatyn jumyskerlerdiń, óndiristerdiń, jumystardyń, kásipterdiń tizbesine engizilgen jumyskerler úshin mindetti kásiptik zeınetaqy jarnalaryn aýdarady, olardyń 2,3 myńnan astam pozıııasy bar. Osylaısha, arnaýly áleýmettik tólemdi ekonomıkanyń 17 salasynda, onyń ishinde taý-ken óndirý jáne óńdeý ónerkásibinde jáne ózge de salalarda jumys isteıtin qazaqstandyqtar ala alady.